केरले निर्वाचनविज्ञप्तिः श्वः।
अनन्तपुरी> केरले विधानसभानिर्वाचनार्थं शुक्रवासरे विज्ञप्तिः भविष्यति। श्व आरभ्य १९तमदिनाङ्कपर्यन्तं नामनिर्देशपत्रिकासमर्पणाय अवसरः अस्ति। २० दिनाङ्के पत्रिकाणां सूक्ष्मशोधना विधास्यति। पत्रिकायाः प्रतिनिवर्तनाय २२ दिनाङ्कं यावत् अवकाशः अस्ति। कोविडनुशासनानि कर्कशेण परिपाल्य एव निर्वाचनप्रक्रियाः विधास्यन्ते। तदर्थं मार्गदर्शकानुशासनानि प्रख्यापितानि सन्ति।