उत्तरभारते तीव्रवृष्टिः।
उत्तराखण्डे त्रयः मृताः।
नव दिल्ली> उत्तरभारते सामान्यतया बहुषु राज्येषु तीव्रा वृष्टिः अनुवर्तते। जम्मु-काश्मीरम्, उत्तराखण्डः, असमः, मध्यप्रदेशः, पश्चिमवंगः, ओडीषा इत्यादिषु राज्येषु कठिनवृष्टिरस्ति। वंगसमुद्रान्तराले जातः न्यूनमर्द एव वृष्टिहेतुः।
उत्तराखण्डे कार् यानं जलप्रवाहे निपत्य त्रयः कार् यानयात्रिकाः मृताः। नद्यः आप्लुतोदकाः वर्तन्ते। डराडूणे विद्यालयानां विरामः उद्घोषितः।
लडाके सैनिकोदग्रयानेन अतिसाहसिकं रक्षाप्रवर्तनम्।
१८,६०० पादमिते उच्चस्थाने लग्नः पर्वतारोहकः रक्षितः। 
सेनायाः रक्षादौत्यस्य विदूरदृश्यम्।
ले[श्रीनगरं]> भारतस्य स्थलसेनाविभागः अतिसाहसिकेन रक्षाप्रवर्तनेन प्रशस्तेः उत्तुंगश्रृङ्गमारूढः। श्रीनगरस्थे 'नण्कुण्'नामक पर्वतश्रेण्यां समुद्रतलात् १८,६०० पादमिते उच्चस्थाने पर्वतारोहणमध्ये क्षतेन लग्नं पर्वतारोहकं स्थलसेनावैमानिकाः अभ्यरक्षन्। कठिने शैत्ये शक्ते वायुवाते न्यूनायां वायुसान्द्रतायां च अतिसाहसिकेन आसीत् रक्षादौत्यम्।
उदग्रयानमवतारयितुम् असाध्ये प्रपातप्रदेशे 'One skid landing' प्रौद्योगिकविद्याम् उपयुज्य आसीत् रक्षाप्रवर्तनम्। वैमानिकानां धैर्यं, सूक्ष्मता, श्रेष्ठं संयोजनं च प्रयत्नविजये निर्णायकमभवन्। तत्तु भारतस्य स्थलसेनायाः व्योमयानविभागस्य सेवाकिरीटे अनर्घरत्नमिव शोभते।
दौत्यस्य विजयाय सर्वविधपूर्वसज्जतां गृहीत्वा आसीत् प्रवर्तनम्।