सौद्यां महत् हूत्याक्रमणम्
मिसैल् अवशिष्टं पतित्वा अराम्को गोपुरं क्षतम्।
दुबाय्> सौदी अरेबियायाः प्रधानप्रान्तप्रदेशान् लक्ष्यीकृत्य हूति विभागेन रविवासरे महदाक्रमणं विधत्तम्। रियाद्, पूर्वप्रदेशाः, यमनदेशसमीपस्थाः प्रदेशाः आसन् आक्रमणलक्ष्याणि। अग्निशस्त्रस्य अवशिष्टानि पतित्वा सौद्याः देशीयतैलेन्धनसंस्था अरांको इत्यस्य बहुस्तरीयमन्दिरं क्षतं जातम्। किन्तु जनानां प्राणहानिः, क्षतः वा नाभवत्।
शनिवासरे यमने सनायां सौदीराष्ट्रात् व्योमाक्रमणं विधत्तमिति हूतिविभागेन आरोपितम्। आक्रमणे ३३ जनाः हताः इति तैः निगदितम्।