ट्रम्पं विरुध्य महान् महिलाप्रतिषेधः।
वाषिङ्टणे सम्पन्ने प्रतिषेधसञ्चलने दशसहस्रशः वनिताः भागभागित्वं कृतवत्यः। ट्रम्पस्य स्थानारोहणवेलायां अधिकाः महिलाः प्रतिषेधसञ्चलने आसन्निति निरीक्ष्यते। निर्वाचन वेलायां ट्रंपेण कृतं स्त्रीविरुद्धपरामर्शं विरुद्ध्य एव वनिताप्रतिषेधः। अमेरिक्कानगरेभ्यः ऋते सिड्नी , लण्टन् ,टोकियो दिल्ली इत्यादिषु नगरेष्वपि प्रतिषेधः संवृत्तः।
कोच्ची मेट्रो रयिल् मार्च् मासे आरप्स्यते।
