महाराष्ट्रे मन्त्रिमण्डलं विकसितम्।
३९ मन्त्रिणः ; महिलामन्त्रिणः ४।
नागपुरम्> मुख्यमन्त्री, द्वौ उपमुख्यमन्त्रिणौ इत्येतेषां शपथवाचनस्य दशदिनानन्तरं महाराष्ट्रे देवेन्द्र फड्नविसस्य नेतृत्वे विद्यमानस्य मन्त्रिमण्डलस्य विकासः सम्पन्नः। चतस्रः महिलाः अभिव्याप्य ३९ मन्त्रिणः रविवासरे शपथवाचनं कृतवन्तः।
नागपुरे राजभवने आयोजिते कार्यक्रमे राज्यपालः सि पि राधाकृष्णः सत्यशपथं कारितवान्। अनेन देवेन्द्र फड्नविसस्य मन्त्रिमण्डलस्य अङ्गबलं ४२ अभवत्। भाजपा - २०, शिवसेना - १२, एन् सि पि - १० एवमेव मन्त्रिमण्डले राजनैतिकदलानां मन्त्रिसंख्या। तेषु ३३ केबिनट्पदीयाः मन्त्रिणः, ६ सहमन्त्रिणश्च भवन्ति।