सि बी एस् ई मध्ये पाठ्यांशनवीकरणम्।
त्रिभाषाध्ययनम् अनिवार्यम्।
नवदिल्ली> राष्ट्रियशैक्षिकनयस्य अंशतया त्रिभाषाध्ययनम् अनिवार्यं कुर्वन्ती सी बी एस् ईसंस्था पाठ्यांशनवीकरणमकरोत्। गणित-शास्त्रविषययोः स्तरद्वयपरीक्षा विधास्यति। कृत्रिमबुद्धेः [A I] अध्ययनं च नूतनीकृतपाठ्यांशे अन्तर्भूतम्। २०२६-२७ अध्ययनवर्षादारभ्य क्रमेण नवीकरणं विधास्यति।
अस्मिन् वर्षे षष्ठीकक्ष्यायाः आरभ्य त्रिभाषाध्ययनम् अनिवार्यं करिष्यति। समागमिष्यमाणेषु वर्षेषु अनुबन्धकक्ष्यासु अपि तृतीयभाषां पाठयिष्यति। पठितव्येषु तिसृषु भाषासु द्वे भारतीयभाषे भवितव्ये इति व्यवस्था कृता अस्ति। विदेशविद्यालयेषु पठित्वा अनुवर्तिताध्ययनाय आगच्छद्भ्यः छात्रेभ्यः सविशेषावस्थामनुसृत्य भाषाध्ययने आनुकूल्यं दास्यति।