नितीष् कुमारः अद्य राज्यसभासदस्यः भविष्यति। 
नितीष् कुमारः।
नवदिल्ली> बिहारस्य मुख्यमन्त्री तथा जे डि यू दलस्य नेता च नितीष् कुमारः शुक्रवासरे राज्यसभासदस्यरूपेण शपथवाचनं विधास्यति। जे डि यू दलस्य प्रतिनिधिः राज्यसभायाः उपाध्यक्षश्च हरिवंश नारायण सिंहः इत्यस्य कालपरिधिः गुरुवासरे पर्यवसितमासीत्।
यदा नितीष् कुमारः राज्यसभासदस्यः भविष्यति तदा बिहारे नूतनमुख्यमन्त्री आवश्यकः अस्ति। प्रायेण भाजपा सदस्यः नूतनमुख्यमन्त्री भवेत्। तदर्थं दलाध्यक्षस्य नितिन् नबीनस्य नेतृत्वे चर्चाः पुरोगम्यन्ते।
मुख्यमन्त्रिपदम् अत्यक्त्वा एव नितीष् कुमारस्य राज्यसभाप्राप्तिः। अस्य मासस्य मध्ये मुख्यमन्त्रिपदात् तस्य स्थानत्यागं भविष्यतीति मन्यते।