अत्युच्चं मतदानम्।
वंगे ९१+%, तमिलनाटे ८४+%।
कोल्कोत्ता/चेन्नई> ह्यः निर्वाचने सम्पन्ने पश्चिमवंगे तमिलनाटे च उच्चतरं मतदानं सम्पन्नम्। पश्चिमवंगविधानसभानिर्वाचनस्य प्रथमचरणे गुरुवासरे ९१. ७८% मतदानिनः स्वाधिकारं प्रयुक्तवन्तः। राज्यचरित्रे अत्युच्चतरं मतदनमेव एतत्।
एकेनैव चरणेन निर्वाचनं सम्पन्ने तमिलनाटे तु मतदानप्रतिशतता ८४. ६९ अस्ति। अत्रापि राष्ट्रस्वातन्त्र्यानन्तरम् अङ्कितम् उच्चतरं मतदानमिति मुख्यनिर्वाचनायोगेन ग्यानेष् कुमारेण निगदितम्।
पश्चिमवंगे यत्र तत्र कतिपयसंघर्षाः जाताः। मूर्षिदाबादजनपदे अस्ति संघर्षबाहुल्यम् अभवदिति सूच्यते।