रक्तदुर्गसमीपं स्फोटनभीषा
अष्ट भीकराः निगृहीताः।
नवदिल्ली> दिल्ल्यां बृहद्भीकराक्रमणाय आसूत्रणं कृतमिति सन्देहे अष्ट जनाः सुरक्षानियोक्तृभिः निगृहीताः। एषु केचन बङ्गलादेशीयाः भवन्ति। पाकिस्थानस्थस्य ऐ एस् ऐ इत्यस्य बङ्गलादेशम् आस्थानीकृत्य प्रवर्तमानस्य केषांचन भीकरसंघटनानां च निर्देशानुसारं निगृहीताः गूढालोचनां कृतवन्तः इति अन्वेषणसंस्थानां प्राथमिकाधिगमनम्।
षट् जनाः तमिलनाटतः एव निगृहीताः। द्वौ दिल्लीतः निगृहीतौ। रक्तदुर्गसमीपं स्फोटनं कर्तुं आसूत्रणं कृतमिति परिपृच्छानन्तरं अन्वेषणसंस्थया निगदितम्। लष्कर् ई तोय्बा भीकरसंघटनेन भारतस्थानि धार्मिककेन्द्राणि लक्ष्यीक्रियन्ते इति गुप्तसूचना आसीत्।
.jpeg)
.jpeg)
.png)
