सन्तोष् ट्रोफी
केरलं, पञ्चाब्, सर्वीसस्, रल्वेस् इत्येते पूर्वान्त्यचक्रे।
दिब्रुगड्> सन्तोष् ट्रोफी राष्ट्रियपादकन्दुकस्पर्धायाः प्रपूर्वान्त्यचक्रे आतिथेयराज्यस्य असमस्य संघः केरलदलेन पराजितः - [३-०]। गुरुवासरे सम्पद्यमाने पूर्वान्त्यद्वन्द्वे पञ्चाबेन सह स्पर्धिष्यते। तमिलनाटदलम् अभिभाव्य अस्ति पञ्चाबस्य प्रवेशः।
वर्तमानीनवीरः पश्चिमवंगः प्रपूर्वान्त्यचक्रे सर्वीससेन पातितः। त्वरितलक्ष्यवेधने आसीत् सर्वीससस्य विजयः। पूर्वान्त्यचक्रे रेल्वेसं प्रति स्पर्धिष्यते। राजस्थानं पातयित्वा अस्ति रेल्वेसस्य पूर्वान्त्यप्रवेशः।