बङ्गलादेशाय आयातशुल्कः यू एसेन १९% इति न्यूनीकृतः।
धाक्का> बङ्गलादेशात् यु एस् राष्ट्रं प्रति आयातानां वस्तूनां शुल्कः २०% इत्यस्मात् १९% इति यू एसेन न्यूनीकृतः। बङ्गलादेशे उत्पाद्यमानानां कतिपयवस्त्रविशेषाणां निर्यातः शुल्करहितो भविष्यति।
वाणिज्यसन्धिः प्रवर्तनोन्मुखमागत इति बङ्गलादेशस्य अल्पकालीनसर्वकारस्य मुख्योपदेष्टा मुहम्मद यूनुसः न्यगादीत्। यू एस् तः गूधूमः भटमाषः, द्रवीकृतप्रकृतिवायुः इत्येते बङ्गलादेशेन क्रेष्यन्ते इति व्यवस्था अस्ति।