बङ्गलादेशे अद्य निर्वाचनम्।
धाक्का> २०२४ तमे वर्षे बहुजनप्रक्षोभेण षेक् हसीनाप्रशासनस्य बहिर्नयनानन्तरं राष्ट्रस्य प्रथमं सामाजिकनिर्वाचनम् अद्य सम्पद्यते। संसदीयसदस्यान् निर्वाचयितुं १२. ९ कोटि मतदानिनः गुरुवासरे मतदानस्थानानि प्राप्स्यन्ति। ५०तः परं दलेभ्यः १९८१ स्थानाशिनः स्पर्धन्ते।
भूतपूर्वप्रशासनपक्षः 'बङ्गलादेश नाषणलिस्ट् पार्टी' [बी एन् पी], जमा अत्ते इस्लामीति धार्मिकदलेन नीयमानं सख्यं च मुख्यप्रतिद्वन्दिनौ। एन् सी पी इति युवकछात्राणां राजनैतिकदलम् अस्य सख्यस्य अंशः भवति। समीपकाले यशःशरीरा भूतपूर्वा प्रधानमन्त्रिणी खालिदा सिया इत्यस्याः पुत्रः तारिख रह्मानः अस्ति बी एन् पी दलस्य प्रधानमन्त्रिस्थानाशी।