ए ऐ शिखरसम्मेलनं श्वः आरप्स्यते।
नवदिल्ली> भारतेन आतिथ्यं वह्यमानं कृत्रिमबुद्धि [A I] शिखरसम्मेलनं सोमवासरे दिल्ल्यां समारप्स्यते। फेब्रुवरि २० तमदिनाङ्कपर्यन्तम् अनुवर्तमाने शिखरसम्मेलने २० राष्ट्रनेतारः ४५ राष्ट्राणां प्रतिनिधयः च भागं करिष्यन्ति। अन्ताराष्ट्रिय 'टेक्-ए ऐ' क्षेत्रस्य बृहत्संस्थाः च भागं करिष्यन्ति।
गूगिल् सि ई ओ सुन्दरपिच्चे, ओपण् ए ऐ इत्यस्य अध्यक्षः साम् ओल्ट् मान्, इत्यादयः सम्मेलनं प्राप्स्यन्ति। फ्रान्स्, स्पेयिन्, स्विट्सर्लान्ट्, ब्रसील् राष्ट्राणां राष्ट्रपतयः, नेतर्लान्ट्, मौरीष्यसः,इत्यादिराष्ट्राणां प्रधानमन्त्रिणः , संयुक्तराष्ट्रसभायाः अध्यक्षः अन्टोणियो गुटरस् च सम्मेलने भागं करिष्यन्ति।