पाकिस्थाने विद्यालयछदिः प्रभञ्ज्य ३५ मरणानि।
३४ छात्राः, एका अध्यापिका।
 |
| दुर्घटनाधीनः विद्यालयः। |
पेषवारं> पाकिस्थानस्य प्रान्ते खैबर् पख्तूण् ख्व इत्यत्र कस्यचन निजीयविद्यालयस्य छदिः निपत्य ३४ छात्राः एका शिक्षिका च मृत्युमुपगताः। ४० जनाः क्षताः। ऊनत्रयोदशवयस्काः छात्रा एव मृताः।
११० छात्राः विद्यालये पठन्तः सन्ति। त्रितयस्तरोपेतस्य विद्यालयस्य छदिः एव भग्नः। भवननिर्माणस्य अपाक एव दुर्घटनाहेतुरिति सूच्यते। विद्यालयभवनस्वामी निगृहीतः। पाकिस्थाने ईदश्यः विद्यालयदुर्घटनाः अनुस्यूततया जायन्ते। जूलाय् मासे विभिन्नदिनेषु एतादृशरीत्या छदिभञ्जनेन भित्तिकानाशेन च बहवः छात्राः मृताः आसन्।