ग्यानेष् कुमारस्य स्थानत्यागाय प्रक्षोभः।
राजधानीनगर्यां आन्दोलनाग्निः प्रोज्वलते।
राहुल-प्रियङ्कादयः निगृहीताः; विमुक्ताश्च।
 |
| राहुल गान्धी बलादपनीयते। |
नवदिल्ली> निर्वाचनायोगस्य एस् ऐ आर् प्रक्रियायां प्रलोमकरणमारोप्य विपक्षदलैः आरब्धः प्रक्षोभः ह्यः उच्चस्थमभवत्। ओक्टोबर् द्वितीयदिनाङ्के - गान्धिजयन्तिदिने - सि जे पी संघैः मुम्बैय्याम् आरब्धः प्रक्षोभः अनन्तरदिनेषु दिल्ल्यां जन्तर मन्दरं केन्द्रीकृत्य अनुवर्तते स्म। सि जे पी संघं विना विभिन्नैः विपक्षीयछात्रदलैः युवजनसंघटनैश्च आन्दोलनम् आयोजयामास। रक्षिपुरुषैः सह संघर्षोSपि जातः।
मंगलवासरे एषः प्रक्षोभः कोण्ग्रसः नेतृत्वे 'इन्डिया'सख्येन स्वीकृतः। राहुलगान्धिनः नेतृत्वे संसद्सदस्याः प्रभाते एकादशवादने मुख्यायुक्तस्य कार्यालयं प्रति पथसञ्चनं समारब्धम्। मार्गमध्ये सदस्याः निगृहीताः निवारिताश्च। किन्तु अप्रतीक्षितप्रक्रमेण विपक्षनेता राहुल गान्धी समीपस्थस्य आकाशवाणीभवनस्य परिसरं प्रविश्य उपवेशनान्दोलनमारब्धम्। प्रियङ्का गान्धी, के सि वेणुगोपालः इत्यादयः नेतारः अपि अनुयायिभिः सह राहुलस्य समीपं प्राप्तवन्तः।
राहुल गान्धिनः एतादशेन आकस्मिकप्रक्रमेण दिल्ल्याः आरक्षकदलं परिभ्रान्तमभवत्। अनुनयश्रमः विफलो जातः। रात्रौ अष्टवादने राहुलं प्रियङ्कां च इतरैः सदस्यैः सह आरक्षकसंघः हठेन निगृह्य यानं प्रावेशयत्। किन्तु राहुलः यानात् बहिर्गन्तुमुद्युक्तवानपि न शक्यते स्म। किञ्चित्कालानन्तरं सर्वेSपि विमोचिताः।