भारत-विन्डीस टि २०।
द्वितीयस्पर्धायां विन्डीसस्य विजयः। 
विन्डीसाय शतकं प्राप्तवान् गणनायकः षाय् होपः।
राञ्ची> भारतस्य कन्दुकताडकैः आरचितं धावनाङ्कपर्वतम् अनुगम्य प्रभञ्ज्य वेस्ट् इन्डीसस्य ताडकाः। भारतं विरुध्य वेस्ट् इन्डीसस्य द्वितीया टि २० क्रिकेट स्पर्धा ४ ताडकानां विनष्टे विन्डीसेन विजिता। प्रथमं कन्दुकताडनं कृतवत् भारतं २० क्षेपणचक्रेषु ५ ताडकानां विनष्टे २४९ धावनाङ्कान् सम्पादयामास। विन्डीसस्तु १८.३ क्षेपणचक्रेषु ४ ताडकानां विनष्टे २५२ धावनाङ्कान् सम्पाद्य विजयलक्ष्यं प्राप। विन्डीसस्य बृहत्तमं धावनाङ्कानुगमनं [run chase] भवत्येतत्।
विन्डीसस्य नायकः षाय् होपः ४५ कन्दुकैः १०२ धावनाङ्कान् सम्पाद्य अबाह्यः अभवत्। ३७ कन्दुकैः ८४ धावनाङ्कान् सम्पादितवान् रूथर् फोडः च विन्डीसस्य विजये मुख्यांशम् अवहत्।
पुर्वं भारतस्य ताडनक्रीडायां केरलीयः सञ्जु सांसणः ४१ कन्दुकैः ८१ धावनाङ्कान् सम्पाद्य भारताय दृढमाधारशिलाम् अदात्। स एव भारतस्य अङ्कप्रापकाग्रिमः [top scorer]। सञ्जोः नवमम् अर्धशतकं भवत्येतत्। तिलक वर्मा (४४), ईशान कृष्णः (४३), श्रेयस् अय्यरः (४०) च भारताय अशोभन्त।