इराखतः यू एस् सेना सम्पूर्णतया अपसृता।
१२ वर्षाणां दौत्याय समाप्तिः।
बाग्दादः> इराखे अवशिष्टान् सैनिकानपि अपाकरोदिति यू एस् सेनाधिकारिणा निगदितम्। ऐ एस् ऐ भीकरान् विरुध्य योद्धुं १२ वर्षेभ्यः पूर्वमारब्धः अन्ताराष्ट्रियसैनिकप्रक्रमः औद्योगिकतया समाप्तः। इराख-अमेरिकयोः उभयपक्षसन्धेः आधारेण , उत्तरइराखस्य कुर्दिष् प्रान्तीयात् इर्बिल् व्योमनिलयात् अन्तिमः यू एस् सैनिकसंघ अपि सुरक्षितेन प्रतिन्यवर्तत।
२००३ तमे वर्षे सद्दाम हुसैनप्रशासनं निष्कासयितुमासीत् यू एस् सैन्येन इराखम् अधिनिविष्टः। २०११ तमे प्रतिनिवृत्तमपि २०१४ तमे वर्षे ऐ एस् ऐ भीकरसंघैः इराखस्य भूरिशः प्रदेशाः निगृहीताः। अस्मिन् सन्दर्भे सर्वकारस्य आमन्त्रणमनुसृत्य यू एस् सेना पुनरपि आगच्छत्।