भूकम्पः।

कोलम्बियायाम् आपत्कालीनजागरूकता।

मरणानि १८१, आहताः १३००, अदृष्टाः ३०००।

भवनावशिष्टे अन्वेषणं कुर्वन्ति। 

पेरेरा> कोलम्बियाराष्ट्रे सोमवासरे दुरापन्ने भूकम्पे मृतानां संख्या १९१ अभवत्। १३०० जनाः आहताः इति प्राथमिकगणना। ८६तः अधिकानि भवनानि भग्नानि। ३००० तःअधिके जनाः अदृष्टाः इति सूच्यन्ते। तेषां कृते अन्वेषणं प्रचलन्ति। 

  मरणसंख्या इतोSपि वर्धिष्यते इति सूच्यते। राष्ट्रे देशीयापत्कालीनावस्था उद्घोषिता। पेरेरा नामके नगरे सन्ति अधिकतया कष्टनष्टानि वृत्तान्तीकृतानि। षट् विमाननिलयाः अल्पकालीनतया पिहिताः। पञ्चनगरेषु रक्तजागरूकता प्रख्यापिता।

  

 विमानस्य आकाशगर्तपतनं 

वैमानिकः मादकवस्तु उपयुक्तवान्।

नव दिल्ली> आगस्ट् चतुर्थदिनाङ्के ताय्लान्टतः नव दिल्लीं आगच्छत् एयर् इन्डियायाः यात्राविमानं आकाशगर्तं पतितम् इत्यस्यां घटनायां मुख्यवैमानिकः 'मरिजुवाना' नामकं उन्मादकवस्तु उपयुक्तवान् इति परिशोधनया स्पष्टीकृतम्। १३७ यात्रिकैः सह विमानं ३०० पादमितं गर्तं नियन्त्रणं विनश्य पतितमासीत्। 

 विवादास्पदायां  दुर्घटनायां वैमानिकौ परिशोधनाधीनौ अभवताम्। अत्रैव मुख्यवैमानिकं विरुध्य परिणतिः अजायत।

 झार्खण्ड परीक्षाक्रमभङ्गः।

उद्योगार्थिनां विधानसभासंचलने संघर्षः। 

राञ्ची> झार्खण्डराज्यस्य पि एस् सि संस्थया कृतेषु उद्योगार्थपरीक्षासु व्यापकतया क्रमभङ्गः विधत्तः इत्यारोप्य कतिपयदिनानि यावत् उद्योगार्थिभिः अनुवर्तमानः प्रतिषेधः गतदिने महति संघर्षे परिसमाप्तः। राज्य विधानसभां प्रति विधत्तं पथसंचलनं विरुध्य आरक्षकदलेन दण्डप्रयोगः, जलप्रक्षेपिणीप्रयोगः, अश्रुवायुस्फोटकानि च प्रयुक्तानि। महिलाः अभिव्याप्य बहवः क्षताः जाताः। 

  राष्ट्रे पि एस् सि, स्टाफ् सेलक्षन् संस्थाभिः कृतासु परीक्षासु भ्रष्टाचारम् आरोप्य गतानि १७ दिनानि यावत्  शतशः उद्योगार्थिनः महान्तं प्रतिषेधं कुर्वन्ति। षट्वारम् उद्योगार्थिभिः सह सर्वकारस्य चर्चा अभवदपि सर्वा पराजिता। १३ परीक्षासु क्रमभङ्गः विधत्तः इति आरोपणम्। किन्तु केवलं तिस्रः परीक्षाः निरस्तुं शक्यन्ते इति सर्वकारस्य वाग्दानं आन्दोलकैः निरस्तम्।

 कोलम्बियायां भूकम्पः - शताधिकानि मरणानि। 

विशीर्णभवनेषु रक्षाप्रवर्तनं कुर्वन्तः। 

बोगोट्टा> कोलम्बिया नामके दक्षिण अमेरिकीयराष्ट्रे प्रकम्पयन् बृहत्भूकम्पः। रिक्टर् मापिन्यां ७. ४ अङ्किते भूकम्पे न्यूनातिन्यूनं शतं जनाः मृताः। बहूनि भवनानि विशीर्णानि। भवनावशिष्टेषु बहवः लग्नाः वर्तन्ते। 

  राष्ट्रराजधानीनगरं बोगोट्टा इत्यस्मात् ४०० कि मी दूरे सोमवासरे आसीत् भूकम्पः। एक्वडोर् इति सीमाराष्ट्रे अपि भूकम्पस्य प्रकम्पनानि अनुभूतानि।

 कोटग्रामे संस्कृतस्य महाकुम्भः! देववाण्याः जयघोषैः गूँजितः आदर्श-संस्कृत-ग्रामः

       कोटग्रामः, मोरी, उत्तरकाशी। उत्तराखण्ड-संस्कृत-संस्थानस्य, उत्तराखण्ड-सर्वकारस्य च निर्देशानुसारम् आदर्श-संस्कृत-ग्रामे कोटग्रामे सोमवासरे, १० अगस्त २०२६ दिनाङ्के प्रथमः अवस्थापनादिवस-समारोहः हर्षोल्लासेन उत्साहेन च सम्पन्नः। कार्यक्रमस्य आयोजनं ग्रामप्रधानद्वारा श्रीमती-संगीता-रावत-महोदयाया: अध्यक्षतायां ग्रामस्थे सोमेश्वर-महादेव-मन्दिर-प्राङ्गणे सम्पन्नम्।

      कार्यक्रमात् पूर्वं प्रातः ११ वादने समस्ताः ग्रामवासिनः कुलाका-शिवमन्दिर-प्राङ्गणे समागताः। ततः तस्मात् स्थालात् भव्यसंस्कृत-शोभायात्रा प्रारब्धा, या सोमेश्वर-महादेव-मन्दिर-प्राङ्गणं यावत् अगच्छत्। शोभायात्रायां वैदिक-मन्त्राणां घोषेण, संस्कृतगीतैः संस्कृतजयघोषैश्च सम्पूर्णस्य ग्रामस्य वातावरणं संस्कृतमयम् अभवत्।

ग्रामवासिनः विद्यार्थिनश्च महता उत्साहेन शोभायात्रायां सहभागितां कृतवन्तः।

 येमनने सौद्यां च हूत्याक्रमणम्। 

७ मृताः, १५ क्षताः। 

सना> येमनने मोखहा नौकाश्रयं प्रति, सौदी अरेबियायाः तैलशुद्धीकरणशालां प्रति च हूति विमतविभागः रविवासरे आक्रमणमकरोत्। आक्रमणे ४ सैनिकान् अभिव्याप्य सप्तजनाः मृताः इति यमनस्य प्रतिरोधसेनया निगदितम्। 

  यमनसर्वकारस्य अधीने वर्तमानः बृहत् नौकाश्रयः भवति मोखहा। ड्रोण्, अग्निशस्त्राणि चोपयुज्य आसीदाक्रमणम्। सौद्याः तैलशुद्धीकरणशालां प्रति विधत्ते आक्रमणे जीवहानिः नास्ति।  अग्निः निर्व्यापितः इति अधिकृतैरुक्तम्।

 ट्रम्पस्य 'गासाSभियोजना' इस्रयेलेन निरस्ता।

ट्रम्पः नेतन्याहुः च 

जरुसलेमः> गासायां शाश्वतशान्तिं पुनःस्थापयितुं गतमासे ट्रम्पेन आविष्कृता १५ प्रकरणोपेता अभियोजना इस्रयेलेन निरस्ता। यावत् हमासः पूर्णतया निरायुधीकरिष्यति, तेभ्यः इस्रयेलीनागरिकाः निर्भीकाः भवेयुः तावत्पर्यन्तं गासातः इस्रयेलस्य अपसरणं न भवेदिति प्रधानमन्त्री बञ्चमिन नेतन्याहू उदघोषयत्। रविवासरे तस्य मन्त्रिमण्डलोपवेशने  आसीत् घोषणम्। 

  गासायां सायुधसंघानां निरायूधीकरणाय डोनाल्ड ट्रम्पेन आविष्कृता इयमभियोजना हमासेन अङ्गीकृता अपि इस्रयेलस्य सम्पूर्णं सैनिकनिवर्तनं प्रथमतया हमासेन अपेक्षितमासीत्। किन्तु नेतन्याहुः अस्मिन् सन्धौ स्वीयं विप्रतिपत्तिं प्रारम्भे एव स्पष्टीकृतवान् च।

 लयोणल् मेसिवर्यस्य पिता दिवंगतः। 

मेसिनः पादकन्दुकजीवनपथे मार्गदर्शी।

बयूणस् ऐरिस्> पादकन्दुकेतिहासः तथा अर्जन्टीनायाः पादकन्दुकदलस्य नायकश्च लयोणल् मेसी इत्यस्य पिता होर्हे मेसी [६८] दिवंगतः। विश्वचषकपादकन्दुककाले सः रोगबाधितः सन्  परिचर्यायां प्रविष्टः आसीत्। अर्जन्टीनियामाध्यमैः एव वार्ता बहिरागता। मेसिनः विजयोपलब्धेः पृष्ठतः मार्गदीपः शक्तिश्च पिता आसीत्। रोसारियो स्थाने गृहे आसीदन्त्यम्।

 प्रांशुकिरणः वैमानिकस्य दृष्टिः निरोधितः। विमानस्य भूस्पर्शः विलम्बितः।

        कोल्कत्ता> वैमानिकस्य दृष्टिः निरोधितः इति कारणेन मलेष्यातः कोल्कत्तायामुड्डीयमानः विमानः भूस्पर्शं कर्तुं विलम्बः जातः। प्रांशु (लेसर्) किरणस्य सान्निध्यमेव वैमानिकस्य दृष्टिभङ्गस्य कारणम्। क्वाललंपूरतः कोलकत्तायामुड्डीयमानः एम् एच् १८४ नाम विमानः एव आकाशे भ्रमणं कृत्वा निर्दिष्टसमयानन्तरं विलम्बेन अवतरितः।

 नीट् प्रश्नपत्रचौर्यम्।

विषयविशेषज्ञाः  मुख्यापराधिन इति सि बि ऐ। 

नव दिल्ली> NTA संस्थया प्रश्नपत्रनिर्माणार्थं नियुक्ताः विषयिवशेषज्ञाः प्रश्नपत्रचौर्यस्य मुख्यापराधिन इति सि बि ऐ संस्थया अधिगतम्।  पूर्वमेव अस्मिन् प्रकरणे निगृहीताः मनीषा गुरुनाथ मन्दारे, प्रह्लाद वित्तल् रावु कुलकर्णी, मनीषा सञ्जय हवल् दार् इत्येते राज्यान्तरस्तरीयां गूढालोचनां कृत्वा एव परिशीलनकेन्द्राणि प्रति सम्प्रेष्य लक्षशः रूप्यकाणां व्यवहारं  कृतवन्तः इति सि बि ऐ संस्थया निगदितम्।

 १०, २० मूल्यकानां व्याजरूप्यकाणि व्याप्रियन्ते। 

मुम्बई> राष्ट्रे लघुमूल्ययुक्तेषु रूप्यकेषु  कपटमुद्राणां सान्निध्यं वर्धते इति सुरक्षासंस्थाभिः सूच्यते। पूर्वं २००, ५०० रूप्यकाणां कपटमुद्राः एव अन्तर्भूयन्ते स्म। किन्तु इदानीं १०, २०, ५० रूप्यकाणां व्याजमुद्राः अधिकतया दृश्यन्ते। रिसर्व बैंकेन १०,२० रूप्यकाणां पलास्तिकमुद्राः आविष्कर्तुं मुख्यहेतुः एतच्च इति सूच्यते।

 बालयात्रिकः आसनपट्टकं न अधारयत् - विमानः निरस्तः।

अयथार्थचित्रम्

     विक्टोरिया> विमानयात्रिकः बालकः आसनपट्टकं धर्तुं विमुखोऽभवत् इत्यतः कानडा राज्ये विमानः निरस्तः। विक्टोरियातः टोरोन्टोदेशं प्रति गन्तुमुद्युक्तः पोर्टर् एयरलैन्स् विमानः एव बालकस्य शाठ्येन निरस्तः। गुरुवासरे रात्रौ एव घटनेयं दुरापन्ना।

 अनिल मेनोनस्य बहिराकाशसंचलनं सम्पन्नम्।

 

वाषिङ्टणः> बहिराकाशं प्राप्तवान् अर्धकेरलीयः अनिल मेनोनः निलयात् बहिः संचचाल। षट् होराः २७ निमेषाः तस्य प्रथमं बहिराकाशसंचलनं सम्पन्नम्। निलयस्य सौरोर्जसंविधानम् आधुनिकीकर्तुमासीत् संचलनस्य प्रधानवक्ष्यम्। निलयस्य कमान्डर् पदीयः जसीका मेयर् च तेन सह आसीत्।

 उत्तरभारते व्यापकवृष्टिः। 

असमे ९० मरणानि। 

उत्तराखण्डतः प्रलयदृश्यम्।

नव दिल्ली> उत्तरभारते प्रायेण सर्वत्र कतिपयदिनानि यावत् तीव्रवृष्टिः अनुवर्तते। उत्तरपूर्वीयराज्येषु वृष्टिदुष्प्रभावः तीव्रतरः अभवत्। कतिपयदिनान्यपि वृष्टिः अनुवर्तिष्यते इति केन्द्र ऋतु विज्ञानीयविभागेन निगदितम्। 

  असमे अद्यावधि ९० जनाः वृष्टिदुष्प्रभावेन मृताः। ओडीशायां चत्वारः जनपदाः पूर्णतया जलाप्लाविताः वर्तन्ते। हिमाचलप्रदेशः, उत्तरप्रदेशः, उत्तराखण्डः, पञ्चाबः, हरियानम् इत्येतेषु राज्येषु अतिवृष्टिः अस्ति। 

  हिमाचलप्रदेशः, उत्तराखण्डः इत्यादिषु पर्वतोपान्तराज्येषु वृष्टिकारणेन भूस्खलनादीनां साध्यता वर्तते इत्यतः विनोदयात्रिकाः जागरूकाः भवेयुः।

 केरलम्। 

प्रलयप्रतिरोधाय समग्राभियोजना आविष्करिष्यति - मुख्यमन्त्री।

अनन्तपुरी> राज्ये प्रलयदुष्प्रभावस्य शाश्वतपरिहाराय राष्ट्रादर्शभाव्यां समग्रदुरन्तनिवारणाभियोजनाम् आविष्करिष्यतीति मुख्यमन्त्री वि डि सतीशः प्रस्तुतवान्।  

  राज्यस्थानां जलबन्धानां प्रवर्तनानि इतोSपि शास्त्रीयं कर्तुं ए ऐ अधिष्ठितं जलबन्ध निदेशकत्वसंविधानं [Dam management] आयोजयिष्यति। जलबन्धं प्रति जलप्रवाहः, वृष्टिप्रदेशेषु वृष्टिपरिमाणं, वृष्टिसाध्यता, नदीतीरेषु जलप्रतलम् इत्यादीनाम् अनुशीलनेन भवेत् संविधानम्। एतदर्थं प्राथमिकप्रवर्तनानि आरब्धानीति मुख्यमन्त्री वार्ताहरसम्मेलने अवोचत्। 

  जलबन्धेभ्यः प्रक्षिप्तानि सिकत-पङ्कादीनि निर्मार्जयिष्यन्ति। नदीभ्यः मालिन्यानि, मृत्पङ्कादीनि मार्जयितुम् अभियोजनारूपीकरणाय राजस्व [रवन्यू] जलसेचनविभागाभ्यां कार्यभारः दत्तः। वर्षाकालस्य समाप्तौ एतानि प्रवर्तनानि आरप्स्यन्ते। प्रलयस्य मूलकारणम् अभिज्ञातुं सर्वासु नदीषु समग्रं भूमि परिशोधनं - 'Land Auditing' - आयोक्ष्यते।

 आगामिनि आर्थिसंवत्सरे भारते पलास्तिकमुद्राः।

मुम्बई> राष्ट्रे पलास्तिकमुद्रापत्राणि विनिमयमानेतुं रिसर्वबैंकेन निर्णीतम्। १०, २० रूप्यकाणां 'पोलिमर्' मुद्रापत्राणि परीक्षणरूपेण आगामिनि आर्थिसंवत्सरे विपणीम् आयोक्ष्यन्ते इति रिसर्व बेंकस्य राज्यपालः सञ्जय मल्होत्रा निगदितवान्। एतदर्थं निविदादिकाः   [Tender] प्रक्रमाः आरब्धाः।

  वर्तमानीनाः कागदमुद्राः अपेक्ष्य पलास्तिकमुद्राः चिरस्थायिन्यः सन्ति। ३० वर्षेभ्यः बहुषु विदेशराष्ट्रेषु पोलिमर् मुद्राः विनियुज्यन्ते। किन्तु कागदमुद्राः अपि विनिमये भविष्यन्तीति राज्यपालेन निगदितम्।

 डिसंबरे स्वराष्ट्रं प्रतिनिवर्तिष्यतीति षेय्ख् हसीना।

नव दिल्ली> अस्मिन् वर्षे डिसम्बरमासे बङ्गलादेशं प्रतिगमिष्यतीति तत्रत्या भूतपूर्वा प्रधानमन्त्रिणी षेय्ख् हसीना प्रस्तुतवती।  भारते राजनैतिकाभयं स्वीकृत्य वसन्ती सा भारतवासस्य वर्षद्वयपूर्तीकरणदिने बुधवासरे दिल्ल्यां Foreign Corresponds' Club of South Asia इत्यनेन समित्या आयोजिते वार्ताहरसम्मेलने भाषमाणा आसीत् हसीना। अज्ञातकेन्द्रे स्थित्वा शब्दमात्रसन्देशेन आसीत् तस्याः दृढमतं स्पष्टीकृतम्। वर्तमानीनप्रशासनेन कारागृहं वा मृत्युः वा विधास्येत अपि अहं मातृराष्ट्रं प्रति निवर्तिष्ये इति हसीना अब्रवीत्।

 तमिलनाट्।

उदयनिधि स्टालिनः निगृहीतः; परं विमुक्तः।

उदयनिधिं स्वगृहात् निगृह्य नयति। 

चेन्नै> तमिलनाटस्य मुख्यमन्त्रिणं जोसफ विजयं चलच्चित्राभिनेत्रीं तृषां च योजयित्वा परोक्षेण द्वयार्थद्योतकत्वेन अपहसितवान्  इत्यारोप्य विपक्षनेता उदयनिधि स्टालिनः मङ्गलवासरे तञ्चावूरस्थेन आरक्षकदलेन निगृहीतः। ततः मद्रास् उच्चन्यायालयस्य व्यवधानेन परिपृच्छानन्तरं ह्यः रात्रावेव विमुक्तः। 

  महिलानां अभिमानं विरुध्य कोSपि वा भवतु, अतिक्रमः न क्षन्तव्यः इति मुख्यमन्त्रिणा प्रोक्तम्। किन्तु अद्य तमिलनाट् विधानसभायाः प्रथमे आयव्ययपत्रे अद्य प्रस्तूयमाने विपक्षदलस्य विमर्दनमेव प्रशासनेन लक्ष्यीक्रियते इति डि एम् के नेतृत्वेन आरोपितम्। तमिलनाटे टि वि के -डि एम् के पक्षयोर्मिथः संघर्षावस्था अस्ति।

  

 भारतीयक्रिकट्क्रीडासंघः श्रीलङ्कां प्राप्तः। 

'पेसर्' जस्प्रीत बुम्रा नास्ति।

कोलम्बो> निकषक्रिकट्क्रीडापरम्परायै भारतस्य क्रीडासंघः श्रीलङ्कां प्राप। शुभमान गिलस्य नेतृत्वे श्रीलङ्कां विरुध्य स्पर्धाद्वयात्मिका परम्परा अस्ति। 

  प्रथमा परम्परा आगस्ट् १५ तमे दिनाङ्के आरप्स्यते। द्वितीयस्पर्धा २३ तमे च। 'पेसर्' नामककन्दुकक्षेपणे कुशलः जस्प्रीत बुम्रा क्रीडासंघे नास्ति इत्यतः भारतस्य कन्दुकक्षेपणे तीक्ष्णताहानिः भविष्यतीति आशङ्का वर्तते। कायक्षतात् एव बुम्रावर्यस्य अभावः। बुम्रवर्यस्य स्थाने काश्मीरतः अक्विब् नबी इत्येषः गणे अन्तर्भूतः।

 

 केरले अतिवृष्टिदुष्प्रभावः अनुवर्तते। 

२६ मरणानि, अदर्शनं गताः चत्वारः।

समाश्वासशिबिरेषु उप १९,००० जनाः। 

दुरन्तबाधिताः अभयकेन्द्रं नीयन्ते। 

अनन्तपुरी> राज्ये तीव्रवृष्टिः अनुवर्तते। अतीतेषु चतुर्षु दिनेषु  अतिवृष्टिदुष्प्रभावेण मृतानां संख्या २६ अभवत्।  चत्वारः जनाः अदर्शनं गताः  इति सूच्यते। आराज्यं ४१८ अभयकेन्द्रेषु १८,४३४ जनाः सन्तीति मन्त्रिणा ए पि अनिल् कुमारेण निगदितम्। बुधवासरे पत्तनंतिट्टा,आलप्पुष़ा, कोट्टयम्, इटुक्की, एरणाकुलं, कोष़िकोट्, वयनाट्, कण्णूर्, कासरगोड् जनपदेषु ओरञ्जजागरूकता घोषिता। 

  मुख्यमन्त्री वि डि सतीशः ह्यः पत्तनंतिट्टा जनपदस्थेषु रान्नी, आरन्मुला, तिरुवल्ला, कोष़ञ्चेरी प्रदेशेषु आरब्धेषु समाश्वासशिबिराणि सम्पश्य दुरन्ताधीनान् सामाश्वासितवान्। उद्योगस्थैः सह समाश्वासप्रवर्तनानि अवलोकितवान्। वृष्टिदुष्प्रभावे ये क्लेशनाशान् अनुभवन्ति तेषां कृते आर्थिकसाह्यम् अभिव्याप्य सर्वाणि सहाय्यानि यावच्छीघ्रं प्रदातुं प्रक्रमाः आरब्धाः इति सः वार्ताहरमेलने अवोचत्।

 लोहितसागरे भारतीय-भारवाहि-पोतस्य उपरि आक्रमणम्; पण्यनौका निमग्ना, १३ भारतीयैः सह १४ कर्मकराः सुरक्षिताः

    ​नवदिल्ली > लोहितसागरे (Red Sea) यमन-तटस्य समीपे 'एम्.एस.वी. फैज् नूरे ओलिया' (MSV Faiz Noore Olia) इति नामकेन भारतीय-भारवाहि- नौकायाः  (cargo ship) उपरि प्रक्षेपास्त्र-आक्रमणम् (projectile attack) अभवत्। आक्रमणेन नियन्त्रणहीना सन् सा नौका समुद्रतले विपरीभूत्वा निमग्ना।

​परन्तु, पोते उपस्थिताः १३ भारतीयनागरिकाः, एकः यमन-नागरिकः च  आहत्य १४ कर्मकराः यमन-तटरक्षकैः (Yemen Coast Guard) कुशलेन उद्धृताः। रक्षिताः सर्वे कर्मकराः यमनस्य 'मोखा' इति नौकाश्रयं (Mokha port) नीताः सन्ति, सर्वे च सुरक्षिताः सन्ति इति वार्ता-विवरणानि पुष्टिं कुर्वन्ति।

 रष्यायाः आक्रमणे युक्रैने ८० लक्षं पुस्तकानि दग्धानि। 

कीव्> उत्तरपूर्वीययुक्रैने रष्यायाः आक्रमणेन ग्रन्थसंभरणशालायां संरक्षिताः ८० लक्षं ग्रन्थाः दग्धाः। 'रानोक् पब्लिषिंग् हौस्' इत्यस्य खार्कीव् स्थाने वर्तमानां संभरणशालां प्रति आसीदाक्रमणम्। रष्यया विक्षिप्तं ड्रोण् मिसैल् शस्त्रं च संभरणशालां प्रपत्य आसीत् अग्निबाधा। 

  बालकानां कृते मुद्रिताः पाठपुस्तकानि अभिव्याप्य एव दग्धानि, अग्निं निर्वापयितुं सोमवासरे रात्रावपि न शशाक च प्रसाधकैः निगदितम्। एतदाक्रमणं युक्रैनस्य शैक्षिकव्यवस्थां संस्कृतिं च विरुध्य भवतीति प्रसाधकैः आरोपितम्। 

  २०२२ तमे वर्षे युद्धस्य आरम्भात् परं   संग्रहालयाः,  संरक्षितसंस्थाः, आराधनालयाः, सांस्कृतिकप्राधान्योपोतानि भवनानि इत्यादीनि युक्रैने  विद्यमानानि सर्वाणि रष्यया बहुवारम् आक्रान्तानि। एतदाभ्यन्तरे रविवासरे परस्परं विधत्तेषु आक्रमणेषु रष्यायां ११ बालकानभिव्याप्य २० जनाः, युक्रैने पञ्च जनाश्च मृताः।

  

 त्रिषु राज्येषु विधानसभा उपनिर्वाचनम्।

बङ्किपुरं भा ज पादलात् विनष्टम्।

प्रशान्त किशोरः। 

नवदिल्ली> बिहारं, मध्यप्रदेशः,गुजरात् इत्येतेषु राज्येषु सम्पन्नस्य विधानसभायाः उपनिर्वाचनस्य परिणामः उद्घोषितः। बिहारस्थे बङ्किपुरं मण्डले भाजपा दलस्य वर्तमानीनस्थानं विनष्टम्। दलस्य राष्ट्रियाध्यक्षत्वेन निर्वाचितः इत्यतः  नितिन नबीनस्य स्थानत्यागात् आसीत् तत्र उपनिर्वाचनं सम्पन्नम्। भाजपा दलस्य नीरज कुमारं १९,३२४ मतदानैः पराजित्य जनसुराज पार्टी इत्यस्य अध्यक्षः प्रशान्त किशोरः प्रतिलोमितविजयं सम्प्राप्तवान्। १९९५ तमवर्षादारभ्य भाजपायाः दृढीकृतस्थानमासीत् बङ्किपुरम्। 

  गुजरातस्य मञ्जलपुरं विधानसभामण्डले भाजपास्थानाशी सतेन्द्रबाय् पटेलः विजितवान्। मध्यप्रदेशे दतिया मण्डले कोण्ग्रस् स्थानाशी घनश्याम सिंहः विजितवान्।

फेसबुक्-माध्यमात् प्रधानमन्त्रिणः मोदिनः लघुचलच्चित्रस्य स्थगनम्: 

ज़ुकर्बर्गः क्षमां याचेत इति सांसदानां समित्यध्यक्षः।

​        भारतस्य प्रधानमन्त्रिणः नरेन्द्रमोदिनः एकं चलच्चित्रं (video) फेसबुक्-माध्यमात् अल्पकालं यावत् स्थगितम् (blocked) आसीत्। अस्मिन् विषये मेटा-संस्थायाः प्रमुखः मार्क्- ज़ुकर्बर्गः क्षमां याचेत इति सञ्चार-विषयक-संसदीकसमित्याः अध्यक्षः, भारतीयजनतापार्टी-दलस्य वरिष्ठनेता च उक्तवान्।

        ​सञ्चार-सूचनाप्रौद्योगिकी-विषयक-संसदीय-स्थायिसमित्याः अध्यक्षः, भाजपा-सांसदः निशिकान्त-दुबे महोदयः अवदत् यत् एताः अल्गोरिदं-प्रणाल्यः "वैदेशिक-शक्तिभिः" सञ्चाल्यन्ते। यदि एतानि सामाजिक-माध्यमतलानि* (social media platforms) देशस्य नियमानुकूलम् कार्यं न कुर्वन्ति, तर्हि तेभ्यः दत्तं 'सुरक्षित-आश्रय-संरक्षणम्' (safe harbour protection) निवर्तनीयम् इति तेन स्पष्टीकृतम्।

Newly used word

सामाजिक-माध्यमतलानि* (social media platforms (*NK)

 राष्ट्रमण्डलक्रीडा समाप्ता।

चतुर्थस्थानं संरक्ष्य भारतम्। 

ग्लास्गौ> स्कोटलान्ड् राष्ट्रे सम्पन्ना २३तमा राष्ट्रमण्डलक्रीडा समाप्ता। मल्लयुद्धताराणां सुवर्णपदकसञ्चयनस्यापि साहाय्येन गतवारे लब्धं चतुर्थस्थानं संरक्ष्य एव  भारतस्य निवर्तनम्। १३ सुवर्णानि, १७ रजतानि, ९ कांस्यानि च भारतेनोपलब्धानि। आहत्य ३९ पदकानि। 

  प्रथमस्थाने आस्ट्रेलिया अस्ति। ७० सुवर्णानि, ४६ रजतानि, ५६ कांस्यानि च तेषां सम्पादने विद्यन्ते। आहत्य १७१ पदकानि। आहत्य ११० पदकैः इङ्गलण्टः द्वितीयस्थाने वर्तते। तृतीयस्थाने विद्यमानस्य कानडाराष्ट्रस्य ६२ पदकानि सन्ति। 

  आगामिराष्ट्रमण्डलक्रीडायै भारतम् आतिथेयत्वं वक्ष्यति। २०३० तमे सम्पत्स्यमानायाः क्रीडायाः मुख्यवेदी अहम्मदाबादस्थं नरेन्द्रमोदी क्रीडाङ्कणं भविष्यति।

 उन्मादकानि जीवनं नाशयति - प्रधानमन्त्री।

नशामुक्त युवप्रचारणस्य प्रारम्भः।

नवदिल्ली> उन्मादकवस्तूनाम् उपयोगं विरुध्य युवकैः प्रतिज्ञा करणीया इति प्रधानमन्त्री नरेन्द्र मोदी इन्स्टग्राम माध्यमद्वारा युवकान् अभ्यर्थयत्। उन्मादकानि अल्पकालिकोत्तेजनं दास्यन्ति अपि क्रमेण सम्पूर्णं व्यक्तिजीवनं जीवनवृत्तिं [career] च अधः प्रापयिष्यन्तीति  प्रधानमन्त्रिणा प्रोक्तम्। उन्मादकवस्तूनां दुरुपयोगं विरुध्य राष्ट्रव्यापकप्रचरणस्य 'नशामुक्त युवा फोर् विकसित भारत सङ्कल्प अभियान्' इत्यस्य प्रचारणम् आलक्ष्य आसीत् तस्य वीडियोसन्देशः। 

  १०० साप्ताहिकैः अनुवर्तमाने अस्मिन् प्रचरणाभियाने शैक्षिकसंस्थाः, युवजनसंघटनानि, सामाजिकसमूहः, १२५ संख्याधिकानि आत्मीयसंघटनानि इत्यादीनि सहयोगं करिष्यन्ति।

 राष्ट्रमण्डलक्रीडा

मल्लयुद्धे भारतस्य सुवर्णशोभा - ४ सुवर्णानि।

अङ्कावल्यां  पञ्चमस्थाने। 

भारतस्य मल्लयुद्धप्रवीराः।

ग्लास्गौ> जूडोस्पर्धायाः अनन्तरं मल्लयुद्धवेदिकायां सुवर्णशोभया भारतक्रीडिकाः। महिलाविभागे मुष्टियुद्धस्पर्धासु प्रीती पवार् [५४ किलो विभागः], जास्मिन् लम्बोरिया [५७ किलो], साक्षी चौधरी [५१], प्रिया गांग्हास् [६०] च सुवर्णपदकं प्राप्तवत्यः। 

  पुरुषविभागे जादुमणि सिंहाय [५५] रजतमलभत। गतदिने कुन्तक्षेपणे भारतस्य ओलिम्पिक्स् वीरः नीरज चोप्रा रजतपदकं प्राप्तवान्। 

  कायिकक्रीडासु उत्कूर्दनत्रितये (tripple jump) प्रवीण् चित्रवेलः रजतं, सेल्व प्रभुः कांस्यं,  'पारा अत्लटिक्स्' मध्ये गोलक्षेपस्पर्धायां सोमन् राणा सुवर्णं, शुभां जूयलः रजतं च सम्पाद्य भारतस्य यशः अङ्कावल्यां स्थानं च समुद्धृतवन्तः। 

  १० सुवर्णानि, १५ रजतानि, ७ कांस्यानीति क्रमेण आहत्य ३२ पदकैः भारतं पञ्चमस्थाने विराजते।

 असमे ओडीषायां च प्रलयदुष्प्रभावः अनुवर्तते। 

भुवनेश्वरं> कतिपयदिनैः अनुवर्तमानया अतिवृष्ट्या असम-ओडीषाराज्ययोः व्यापकतया बृहन्नाशः। असमे अद्यावधि आहत्य ८२ जनाः मृत्युवशं गताः। १. ९२ लक्षं जनाः प्रलयबाधिताः। 

 ओडीषायां १० जनपदेषु  अतिवृष्टिः विनाशकारिणी अभवत्। २. ६९ लक्षं जनाः प्रलयदुष्प्रभावेण दुरितमनुभवन्ति। महानद्यां हिराकुड् जलबन्धस्य २२ जलस्थगनद्वाराणि उद्घाट्तानि। ओडीषा दुरन्तनिवारणसेनायाः केन्द्र दुरन्तनिवारणसेनायाः च नेतृत्वे रक्षाप्रवर्तनानि पुरोगम्यन्ते।

 स्पेयिनं प्रति अभयार्थिप्रवाहः।

६७ अभयार्थिनः मृताः। 

अधिवासाय मोरोकोतीरे प्रतीक्षमाणाः जनाः। 

मड्रिड्> उत्तराफ्रिकासमीपं वर्तमानं स्पेयिनस्य सीमानगरं 'सेवूत्ता' नामकं प्रति मोरोको राष्ट्रात् अभयार्थिप्रवाहः। दिनेनैकेन षष्ट्सहस्रं जनाः समुद्रमार्गेण सेवूत्तानगरं प्राप्ताः। सेवूत्तानगरस्य जनसंख्या इदानीं ८३,५०० भवति। 

  समुद्रतरणेन अधिवासाय यतिताः ६७ अभयार्थिनः मृत्युमुपगताः। तीरस्थं वृतिम् अतिक्रान्ताः बहवः क्षताः जाताः। अभयार्थिप्रवाहे नियन्त्रणातीते जाते स्पेयिनसर्वकारेण नगरे आपत्कालीनता उद्घोषिता।

 श्वः केरले कर्णाटके महाराष्ट्रे च तीव्रवृष्टिः। 

केरले वृष्टिमरणानि सप्त।

नवदिल्ली> रविवासरे केरलं, कर्णाटकं, महाराष्ट्रम् एतेषु त्रिषु राज्येषु अतितीव्रा तीव्रा वा वृष्टिः भविष्यतीति केन्द्र ऋतुविज्ञानीयविभागेन निगदितम्। एषु राज्येषु रक्तजागरूकता प्रकल्पिता।

  केरले १४ जनपदेष्वपि तीव्रवृष्टिः भविष्यति। नवसु जनपदेषु रक्तजागरूकता, इतरेषु ओरञ्जजागरूकता च घोषिता। इदानीमपि अनुवर्तमानायां वृष्ट्यां तस्याः दुष्प्रभावेण सप्त मरणानि वृत्तान्तीकृतानि। चत्वारि मरणानि भूस्खलनेन चत्वारि इतरदुष्प्रभावेण च 

 केरले व्यापकतया तीव्रा वृष्टिः। 

इटुक्की, कोट्टयं जनपदद्वये भूस्खलनम्। 

त्रयः मृताः, नैके तिरोभूताः। 

नद्यः आप्लुतोदकाः, रान्नी नगरं पूर्णतया लग्नं;  आपणेषु संगृहीतानि पण्यवस्तूनि विनष्टानि। 

पत्तनंतिट्टा> केरले वृष्टिः अतितीव्रायते। इटुक्की, कोट्टयं जनपदस्थयोः प्रदेशद्वये अद्य प्रत्युषसि भूस्खलनम् अभवत्। इटुक्कीजनपदे अडूर्मला इत्यत्र दुरापन्ने भूस्खलने एका महिला मृता। कोट्टयं जनपदे पय्यानित्तोट्टम् इत्यत्र मृत्स्खलनेन  एकः मृतः। दुरन्ते अदृष्टां तस्य पत्नीमधिकृत्य अन्वेषणमारब्धम्। कोलाहलमेट् प्रदेशे मृत्स्खलनेन एकः मृतः। 

  भूस्खलनेन दुरापन्ने तीव्रे वृष्टिजलप्रवाहे पम्पानदी आप्ल्तोदका जाता। पत्तनंतिट्टाजनपदस्थे रान्नी नगरं जले  निमग्ना। नगरं पूर्णतया पृथक्कृतम्। गृहेषु आपणेषु च जलोपप्लवः जातः। आपणेषु श्रावणोत्सवकालविपणनम् उद्दिश्य संभृतानि वस्तूनि विनष्टानि। 

  पम्पा, पूयंकुट्टी, मणिमला, कक्काट्, अच्चन्कोविल् इत्याद्यः दक्षिणकेरलनद्यः जलोपप्लाविताः जाताः। निम्नप्रदेशाः जलनिमग्नाः अभवन्।

 राष्ट्रमण्डलक्रीडा

जूडोस्पर्धायां भारतस्य द्वे सुवर्णे। 

अस्मिता डे,      हर्ष सिंह च। 

ग्लास्गौ> राष्ट्रमण्डलक्रीडायाः जूडोस्पर्धायां भारतस्य चरित्रोपलब्धिः। महिलाविभागे ४८ किलो विभागस्य भारोद्वहनस्पर्धायाम् अस्मिता डे नामिका, पुरुषविभागस्य  ६० किलो विभागे हर्षसिंहः च सुवर्णं प्राप्य भारताय नूतनचरितं रचयामासतुः। 

  कानडायाः हैदी क्वाष् नामिकामेव अस्मिता पराजापयत। निश्चितसमये उभे अपि १-१ इति समस्थितौ आस्ताम्। ततः 'सुवर्णाङ्कसमये' [Golden point] प्रथमतया अङ्कं सम्पाद्य सुवर्णविजेत्री अभवत्। त्रिपुरा निवासिनी अस्ति २३ वयस्का अस्मिता डे। 

  आस्ट्रेलियायाः ओलिम्पिक् वीरं जोष्वा कट्स् इत्येनेन सह   प्रतिद्वन्द्वे एकपक्षीयेन पराजित्य [१०-०] अस्ति हर्षसिहस्य सुवर्णप्राप्तिः।  प्रथममञ्चप्रतिद्वन्द्वे अस्ति २३ वयस्कस्य तस्य सुवर्णविजयः इति विशेषः। 

  भारोद्वहनस्य अतिभारविभागे [heavy weight +110 किलो] लव प्रीतसिंहः रजतं सम्प्राप्तवान्। महिलानां चक्रक्षेपस्पर्धायां सीमा काली राम ना नामिका कांस्यपदकं च सम्प्राप्तवती। इदानीं ५ सुवर्णानि, १० रजतानि, ४ कांस्यानि च सम्प्राप्य आहत्य १९ पदकैः भारतं नवमस्थाने वर्तते।