उत्तरभारते व्यापकवृष्टिः।
असमे ९० मरणानि। 
उत्तराखण्डतः प्रलयदृश्यम्।
नव दिल्ली> उत्तरभारते प्रायेण सर्वत्र कतिपयदिनैः तीव्रवृष्टिः अनुवर्तते। उत्तरपूर्वीयराज्येषु वृष्टिदुष्प्रभावः तीव्रतरः अभवत्। कतिपयदिनान्यपि वृष्टिः अनुवर्तिष्यते इति केन्द्र ऋतु विज्ञानीयविभागेन निगदितम्।
असमे अद्यावधि ९० जनाः वृष्टिदुष्प्रभावेन मृताः। ओडीशायां चत्वारः जनपदाः पूर्णतया जलाप्लाविताः वर्तन्ते। हिमाचलप्रदेशः, उत्तरप्रदेशः, उत्तराखण्डः, पञ्चाबः, हरियानम् इत्येतेषु राज्येषु अतिवृष्टिः अस्ति।
हिमाचलप्रदेशः, उत्तराखण्डः इत्यादिषु पर्वतोपान्तराज्येषु वृष्टिकारणेन भूस्खलनादीनां साध्यता वर्तते इत्यतः विनोदयात्रिकाः जागरूकाः भवेयुः।