२०२७ जनसंख्यागणना।
प्रश्नावलिः बहिःप्रकाशिता।
जातिवृत्तान्ताः संगृहीष्यन्ते।
नव दिल्ली> २०२७ मार्च् प्रथमदिनाङ्के आरप्स्यमाणस्य प्रश्नावलिः केन्द्रप्रशासनेन बहिःप्रकाशिता। ४० प्रश्नाः अन्तर्भूताः सन्ति। नवम, दशम प्रश्नरूपेण नागरिकाणां धर्म-जातिवृत्तान्तः प्रश्नायते। राष्ट्रे प्रथमतया एव जनसंख्यागणनस्य अंशतया जातिवृत्तान्ताः अपि संगृह्यन्ते।
स्वातन्त्र्यलब्धेः परं संपद्यमाना अष्टमी जनसंख्यागणना भवत्येषा। सामान्यतया आगामि वर्षे मार्च् प्रथमदिनाङ्के एव जनसंख्यागणना आरप्स्यते। किन्तु जम्मु-काश्मीरं, लडाकं,हिमाचलप्रदेशः, उत्तराखण्डः इत्येषु प्रदेशेषु गणनप्रक्रियायाः प्रथमसोपानम् आगस्ट् १७ तमे दिनाङ्के आरप्स्यते।
जनसंख्यागणनायै ६१२८२ परिसंख्यानप्रवर्तकाः [Enumeraters] १०१८९ पर्यवेक्षकाः [supervisor] च नियुक्ताः।