गासायाम् आराधनालयं प्रति इस्रयेलस्य आक्रमणम्।
२६ जनाः हताः।
गासानगरं> गासां प्रति इस्रयेलस्य आक्रमणं शक्तं कृतम्। मध्यगासायां अभयार्थिनः अभयस्थानरूपेण वर्तमानम् आराधनालयं प्रति रविवासरे इस्रयेलेन कृते आक्रमणे २६ जनाः मृत्युमुपगताः। डेयर् अल् बला इत्यस्मिन् स्थाने अल् अख्सा नामकमाराधनालयं प्रति आसीदाक्रमणम्।
आराधनालयस्थं हमासस्य नियन्त्रणस्थानं लक्ष्यीकृत्य परिमितमाक्रमणमेव कृतमिति इस्रयेलेन निगदितम्। अनेन सह उत्तरगासास्थं जबलियां लक्ष्यीकृत्य पुनः स्थल-व्योमाक्रमणमारभ्यते इति च इस्रयेलसेनया प्रख्यापितम्।