पाकिस्थानीयड्रोण् उपयुज्य आनीतं १२ कोटि रूप्यकाणाम् उन्मादकवस्तु निगृहीतम्।
जम्मु> जम्मुप्रान्ते अन्ताराष्ट्रियसीमायाः समीपं ड्रोण् यन्त्रमुपयुज्य व्याजेन भारतमानेतुम् उद्युक्तं उन्मादकवस्तु अधिगतम्। हेरोयिन् नामकम् १२ कोटि रूप्यकाणि मूल्ययुक्तम् उन्मादकवस्तु एव निगृहीतम्। पाकिस्थानीयड्रोण् उपयुज्य आनेतुमासीत् उद्यमः।
बुधवासरे रात्रौ बिष्न प्रदेशस्थात् केदारात् जम्मु आरक्षकसेना तथा बी एस् एफ् सेना च युगपत् कृते अन्वेषणे आसीत् अयं प्रक्रमः।
सन्देहास्पदे किञ्चित् ड्रोण् पतितमिति सूचनायाः आधारे अन्वेषणं कुर्वन्ती आसीत् संयुक्तसेना। ड्रोणे बद्धे स्यूते लघु लघु भाण्डे आसीत् हेरोयिन् इति सेनाधिकारिभिः उक्तम्।