७५४ यात्राविमानेषु ३७७ दोषयुक्तानि।
नवदिल्ली> राष्ट्रस्य व्योमयानमण्डलस्य सुरक्षामधिकृत्य संसदीयसमित्या सज्जम् आवेदनपत्रं आशङ्कां जनयति। २०२५ जनुवरिमासादारभ्य २०२६ फेब्रुवरिमासपर्यन्तं परिशोधितेषु ७५४ यात्राविमानेषु ३७७ संख्यकेषु अनुवर्तमानाः साङ्केतिकदोषाः अधिगताः इति सुरक्षासमित्या सूच्यते। सुरक्षासंविधाने आपादचूडं नवीकरणमावश्यकमिति समित्या निर्दिष्टम्।
विमानेषु भूरिशः 'एयर् इन्डिया', एयर् इन्डिया एक्स्प्रेस' इत्येतयोः अस्ति। एयर् इन्डियायाः २६६ विमानेषु शोधितेषु १३६ विमानेषु अनुवर्तमानाः यन्त्रदोषाः अधिगताः। एयर् इन्डिया एक्स्प्रेसस्य १०१ विमानेषु ५४ संख्यकानि अनुवर्तमानदोषयुक्तानि सन्ति। एयर् इन्डियायां उपशतं सुरक्षालंघनानि चाधिगतानि।