संस्कृताध्ययनाय तमिळनाटुराज्यस्य छात्राः समरं कुर्वन्ति।
 |
| मौनसमरः |
मद्रपुरीसंस्कृतकलाशाला - मैलापुरे स्थिता, विंशत्यधिकशतवर्षपरम्परायुक्तं संस्थानम्, University of Madras तथा Central Sanskrit University इत्येताभ्यां सह आदर्शसंस्कृतमहाविद्यालययोजनायाः अन्तर्गतं सम्बद्धम् च।केन्द्रीयविश्वविद्यालयद्वारा अस्मै संस्थानाय निधयः, शैक्षिकपरिचयः, अखिलभारतीयस्पर्धासु सहभागितायाः अवसराः, छात्राणां अध्यापकानां च विविधविकासलाभाः च प्रदीयन्ते स्म ।
अधुना छात्राणां प्राध्यापकानां च पूर्वसूचनां विनैव, संवादं विनैव, महाविद्यालयन्यासेन केन्द्रीयविश्वविद्यालयेन सह आधिकारिकसमन्वयस्य अन्तर्गतं निधीनां निरोधाय पत्रं प्रेषितम्। अस्य निर्णयस्य कारणात्, छात्राः प्रख्यातविद्वांसः प्राध्यापकाः हानिं प्राप्नुवन्ति, यतः ते यूजीसी-वेतनाभावे प्रतिष्ठितसंस्थानात् निर्गन्तुं बाध्यन्ते।
पूर्वं लब्धाः राष्ट्रियस्तरीयस्पर्धासु सहभागितायाः अन्येषां शैक्षिकपरिचयानां च अवसराः अपि विनष्टाः सन्ति। अधुना छात्राः अस्य निर्णयस्य विषये न्यायं पारदर्शितां च अन्विष्यन्ति, यतः एषः निर्णयः तेषां शैक्षिकविकासं भविष्यत्सु अवसरान् च प्रत्यक्षतया प्रभावयति ।
छात्रैः शान्तया मौनरूपेण च आन्दोलनं क्रियते। शिष्टाचारं गौरवं च पालयताम् अपि, तेषां चिन्ताः अद्यापि न परिगृहीताः, आन्दोलनं च लघुतया दृष्टम् । छात्राः विनयपूर्वकं निवेद्यते यत् भवतः अमूल्यसमर्थनं अस्य विषयस्य ध्यानं आकर्षयेत्, येन सत्यस्य स्वराः श्रूयेरन्, छात्राणां प्राध्यापकानां प्रबन्धनस्य च हिताय सम्यग्विमर्शः क्रियेत। अस्मिन् विषये पारदर्शितां न्यायं च सुनिश्चेतुं जनसमर्थनं साहाय्यकरं भविष्यति इति विश्वासः अस्ति ।
विषयेऽस्मिन् संस्कृतपण्डिताः तेषाम् अभिमतानि ईमेलद्वारा तमिळनाडुराज्यपालमहाभागाय, तथा केन्द्रीयसंस्कृतविश्वविद्यालयस्य कुलपतये अपि प्रेषयन्तु इति छात्रा: प्रार्थनां कुर्वन्ति ।
विद्युद्प्रैषः > तमिलनाडु राज्यपालः - govtam@nic.in
केन्द्रीयसंस्कृतविश्वविद्यालयस्य कुलपतिः - vc@sanskrit.ac.in
Latest Nws