पञ्चाबे द्वौ भीकरौ निगृहीतौ।
चण्डीगढः> भारते भीकरप्रवर्तनं लक्ष्यीकृत्य प्रवृत्ता पाकिस्थानीयभीकराभियोजना पञ्चाबारक्षणसेनायाः व्यवहारेण भग्ना जाता। मलर्कोटला इत्यस्मात् स्थानात् द्वौ पाकिस्थानीयौ भीकरौ तयोः साह्यकारश्च पञ्चाब-काश्मीरयोः आरक्षणसेनया निगृहीताः। अबु गबः, उस्मानः इत्येतौ निगृहीतौ भीकरौ। जमील् नामकः काश्मीरीयः तयोः सहायी अस्ति।
काश्मीरमपहाय पञ्चाबं केन्द्रीकृत्य भीकरप्रवर्तनानि आसूत्रीकुर्वन्ति इति पाक् भीकराणां नूतना रीतिः। उन्मीदकवस्तूनां क्रयविक्रयमधिकृत्य कृतम् अन्वेषणं भीकरसंघस्य निग्रहणे पर्यवसितमासीत्।