केरलम्।
+२ परीक्षायां ७७. ९७% विजयः।
अनन्तपुरी> केरले मार्चमासे सम्पन्नायाः उच्चतरस्तरीयपरीक्षायाः [+2] परिणामः विज्ञापितः। शिक्षामन्त्री एन् षंसुदीनः परीक्षापरिणामम् उदघोषयत्। अस्मिन् वर्षे ७७. ९७% छात्राः उपरिशिक्षायै अर्हाः अभवन्। गतवर्षे विजयशतमानं ७७. ८१ आसीत्।
परीक्षां लिखितवत्सु ३,७२,४२३ छात्रेषु २,९०,३८१ छात्राः उत्तीर्णाः जाताः। ३०,५६१ छात्राः सर्वेषु विषयेषु A+ श्रेणीं प्राप्तवन्तः। ६० छात्राः सम्पूर्णाङ्कान् [१२००/१२००] सम्प्रापुः। गतवर्षे एतेषां संख्या ४१ आसीत्।
वृत्यधिष्ठित उच्चतरपरीक्षायां [VHSE] ७२. ४९% विजयः अभवत्। गतवर्षे एतत् ७०. ०६ आसीत्। परीक्षां लिखितवन्तः - २५,२५९। विजयिनः - १८,३११। १६२ छात्राः सर्वेषु विषयेषु A+ श्रेणीं प्राप्तवन्तः।