होर्मुस्-जलान्तरालं तीर्त्वा भारतस्य एकादशतमा पण्यनौका; २०,००० मीट्रीक्-टण् परिमितम् एल्.पी.जी. वायुं नीत्वा 'सिमी' गुजरात्ततटं प्राप्रवती।
नवदेहली> होर्मुस्-जलान्तरालस्य पिधानानन्तरं तन्मार्गं तीर्त्वा इतःपर्यन्तं भारतस्य एकादश पण्यनौकाः गुजरातराज्यं प्राप्तवत्यः। २०,००० मेट्रिक्-टण् परिमितं द्रवीकृत-पैट्रोलियम्-वायुं (LPG) नीत्वा 'सिमी' नामिका पण्यनौका रविवासरे गुजरात्तस्य कण्डलास्थितं 'दीनदयाल' पत्तनं संप्राप्ता।
इयं नौका कत्तर् देशस्य 'रास् लफान्' टर्मिनल्-तः प्रस्थिता आसीत्। मेय् मासस्य १३ दिनाङ्के एषा होर्मुस्-जलान्तरालं तीर्णवती अपि मेय् १७ दिनाङ्के एव गुजरात्तराज्यं प्राप्तवती। भारतस्य पाकवायु-वितरणे (LPG) वर्तमानस्य न्यूनतायाः निवारणाय एतस्मिन् नौकायां स्थितायां २०,००० मेट्रिक्-टण् परिमितेन पाकवायुना महती साहाय्यं भविष्यति।