ओलिम्प्यः रणधीरसिंहः दिवंगतः।
नवदिल्ली> 'एष्यन् गयिंस्' मध्ये गुलिकाप्रक्षेपे [Shooting] भारतस्य प्रथमः सुवर्णपतकजेता तथा ओलिम्पिक्स् क्रीडकः, भारतीय ओलिम्पिक् असोसियेषन् इत्यस्य भूतपूर्वः कार्यदर्शी च राजा रणधीरसिंहः [७९] दिवंगतः। अर्जुनपुरस्कारजेता, अन्ताराष्टिय ओलिम्पिक् समित्यां भूतपूर्वसदस्यः च सः भारतस्य कायिकमण्डलाभिवृद्धेः मार्गदर्शकश्चासीत्। वार्धक्यसहजेन अस्वास्थ्येन समीपकाले आतुरालये आसीत्। बुधवासरे स्वगृहे आसीत् तस्यान्त्यम्। अन्त्येष्टिकर्माणि गुरुवासरे हरिद्वारे सम्पन्नानि।