केरले मन्त्रिणां शासनीयविभागाः निश्चिताः।
मुख्यमन्त्री वित्तमन्त्री च, गृहविभागः रमेशाय।
तिरुवञ्चूर् राधाकृष्णः सभापतिः।
अनन्तपुरी> केरले यू डि एफ् संयुक्तदलस्य मन्त्रिमण्डले शासनीयविभागान् निश्चित्य राज्यपालस्य उद्घोषणं बहिरागतम्। मुख्यमन्त्री वि डि सतीशः वित्तं, नियमः, महानौकाश्रयः, सामान्यशासनम् इत्येतानां विभागानां कार्यभारं वक्ष्यति। वरिष्ठः कोण्ग्रस् नेता रमेश चेन्नित्तला गृहमन्त्री भवति। गुप्तान्वेषणविभागः अपि तस्यास्ति। के मुरलीधरः (कोण्ग्रस्) स्वास्थ्य-देवस्वविभागयोः मन्त्री अस्ति।
मुस्लींलीगस्य वरिष्ठनेता पि के कुञ्ञालिक्कुट्टी भवति उद्योगमन्त्री। एन् षंसुदीनः (मुस्लींलीगः) सामान्यशिक्षणस्य कार्यभारं वक्ष्यति। एवं मुख्यमन्त्रिणमतिरिच्य आहत्य २० मन्त्रिणामपि विभागाः निश्चिताः।
कोण्ग्रस् दलस्य वरिष्ठनेता तिरुवञ्चूर् राधाकृष्णः नूतनः सभापतिः भविष्यति। कोण्ग्रस् नेत्री षानिमोल् उस्मानः उपसभानाथा भविष्यति। शुक्रवासरे अस्ति एतयोः स्थानयोः निर्वाचनम्।