पश्चिमेष्यायुद्धेन आविश्वं जनजीवनं दुष्करम्।
मरणसंख्या उपचतुःसहस्रम्।
> यू एस् - इरानयुद्धेन बृहत् क्लेशः आविश्वम् अनुभूयते। उपचतुःसहस्रं जनाः हताः इति मन्यते। तेषु उपद्विसहस्रं सामान्यजनाः भवन्ति। यू एस् राष्ट्रस्य त्रयोदश सैनिकाश्च मृताः। एकम् अवलोकनम्।
अस्मिन् वर्षे फेब्रुवरि अष्टाविंशति तमे दिनाङ्के यू एस् इस्रयेलः च मिलित्वा इरानं विरुध्य कृतेन आक्रमणेन पश्चिमेष्या युद्धभूमिरभवत्। प्रत्याक्रमणस्य अंशतया यू एस् राष्ट्रस्य सेनानिलयस्थानि गल्फराष्ट्राणि विरुध्य इरानेन ड्रोण-मिसैल आक्रमणानि विधत्तानि। होर्मुस् समुद्रसङ्कोचः पिहितश्च। अनेन गल्फराष्ट्रेभ्यः विश्वस्य विविधराष्ट्राणि प्रति तैल-ऊर्वरकादीनाम् असंस्कृतवस्तूनां गमनम् दुःसाध्यं जातम्। विविधराष्ट्रेषु तैलेन्धनस्य ऊर्वरकाणाम्, इतरावश्यवस्तूनां च दौर्लभ्यमभवत्। एतत्तु जनजीवनं सङ्कटकरं जातम्।
युद्धपरिसमाप्तये खत्तरे, पाकिस्थाने च बहुवारं शान्तिचर्चाः सम्पन्नाः अपि कदाचित् इरानस्य , कदाचित् यू एसस्य च निर्बन्धशीलेन चर्चाः विफलाः अभवन्। किन्तु युद्धस्य शाश्वतविरामाय हितैषिणां लोकराष्ट्राणां सम्मर्दः अनुवर्तते च।