यू एस् वशीभूतम्।
'प्रोजेक्ट् फ्रीडं' समापितम्। 
होर्मुस् समुद्रधुनिः।
वाषिङ्टणः> होर्मुस् समुद्रसङ्कोचे लग्नाः महानौकाः लक्ष्यस्थानं गमयितुं यू एसेन आरब्धां 'प्रोजेक्ट् फ्रीड'मिति प्रक्रियां अल्पकालिकेन स्थगयितुं यू एस् राष्ट्रपतिः डोनाल्ड ट्रम्पः आदिष्टवान्।
शान्तिसन्धिमधिकृत्य प्रचाल्यमानासु चर्चासु प्रगतिः जायते इत्यस्मात् उभयसम्मतिना एवायं निर्णय इति ट्रम्पेन प्रोक्तम्। किन्तु होर्मुसे यू एसेन अभिमुखीकृतेन अनुस्यूतपराजयेन एव ट्रम्पस्य अपसरणमिति इरानस्य राष्ट्रियमाध्यमेन वृत्तान्तीकृतम्।
इरानेन होर्मुसे पिहिते समुद्रे लग्नान् ८७ राष्ट्रेभ्यः २३,००० सामान्यजनान् रक्षितुम् इति प्रकथनेन आसीत् प्रोजेक्ट् फ्रीडमित्यस्य आरम्भः। परन्तु समुद्रधुनिः स्वस्य नियन्त्रणे अस्ति, अतिक्रामितुम् उद्दिश्यमानाः विदेशमहानौकाः आक्रमणाधीनाः भवेयुः इति इरानस्य भीषा अपि आसीत्।