षार्जा अन्ताराष्ट्र पुस्तकोत्सवः श्वः आरप्स्यते।
षार्जा> ४३ तमः षार्जा अन्ताराष्ट्रीय पुस्तकोत्सवाय षार्जा एक्स्पो केन्द्रे बुधवासरे शुभारम्भः। १७ तमे दिनाङ्के परिसमाप्यते।
११२ राष्ट्रेभ्यः २५२२ प्रसाधकाः प्रदर्शकाश्च भागं करिष्यन्ति। भारतात् केरलीयकविः रफीख् अहम्मदः, अभिनेत्री तूलिकाकारी च हुमा खुरैशी इत्येतौ भागभागित्वं करिष्यतः। ४००तः अधिके तूलिकाकाराः तेषां नूतनकृतिभिः सह आगमिष्यन्ति। १३५७ सांस्कृतिककार्यक्रमाः, १७ विख्यातपाककर्तॄणां पाककार्यक्रमाः , ६०० विविधविभागेषु परिशीलनकार्यक्रमाः च पुस्तकोत्सवस्य अंशतया विधास्यन्ति।
मलयालं, अरबी, आङ्गलेयः, उर्दू, पञ्चाबी, तगालोग् इति षट्सु विभिन्नभाषासु अवतार्यमाणाः काव्यालापनिशीथिन्यः अस्योत्सवस्य सविशेषता अस्ति।