वार्तामुक्तकानि।
पालक्काट् उपनिर्वाचनस्य दिनाङ्कः परिवर्तितः।
नवदिल्ली> केरले पालक्काट् जनपदे कल्पात्ति मन्दिरे प्रचाल्यमानस्य रथोत्सवस्य अंशतया पालक्काट् विधानसभामण्डले निश्चितस्य उपनिर्वाचनस्य दिनाङ्कः परिवर्तितः। अस्मिन् मासे १३ तमतः २० तमं दिनाङ्कं प्रति निर्वाचनं परिवर्तितम्।
पञ्चाबे उत्तरप्रदेशे च निर्वाचनं परिवर्तितम्।
नवदिल्ली > पञ्चाबः उत्तरप्रदेशः इत्येतयोः राज्ययोः नवम्बर् १३ तमे दिनाङ्के १३ विधानसभामण्डलेषु प्रचालनीयानि निर्वाचनानि २० तमदिनाङ्कं परिवर्तितानि। कार्तिकपूर्णिमामनुबन्ध्य विश्वासिनां निवेदनमनुसृत्यैव परिवर्तनमभवदिति सूच्यते।
सङ्गीतज्ञः क्विन्सि जोण्सः दिवंगतः।
वाषिङ्टणः> जास् वादकः , सङ्गीतसंपुटनिर्माता, गायकः, गानरचयिता इत्यादिभिः विख्यातः यू एस् पोप् सङ्गीतज्ञः क्विन्सि जोण्सः (९१) दिवंगतः। २८ ग्रामिपुरस्काराः अनेन प्राप्ताः।