वार्तामुक्तकानि।
इस्रयेलस्य गासाक्रमणमनुवर्तते - ३० मरणानि।
डेयर् अल्बला> उत्तरगासायां सोमवासरे रात्रौ इस्रयेलेन कृते आक्रमणे ३० जनाः हताः। मृतेषु अष्ट महिलाः षट् बालकाश्च। मासैकं यावत् गासायाम् इस्रयेलेन शक्तः सैनिकप्रक्रमः अनुवर्तते।
यू एस् प्रतिनिधिसभां प्राप्तुं नव भारतवंशजाः।
वाषिङ्टणः> यू एस् जनप्रतिनिधिसभां प्रति सम्पन्ने निर्वाचने नव भारतवंशजाः स्पर्धितवन्तः। वेर्जिनिया, कैलिफोर्निया, वाषिङ्टणः, इलिनोय्, मिषिगण् , अरिसोणा, कन्सासः, न्यूजेर्सी इत्येतेभ्यः राज्येभ्यः एव एते स्पर्धन्ते। एषु त्रयः नूतनमुखाः सन्ति।
नेय्मरः पुनरपि आहतः।
रियादः> आहतात् विमुच्य क्रीडाङ्कणं प्रत्यागत्य स्पर्धाद्वये क्रीडिते ब्रसीलस्य नेय्मरः पुनरपि आहतः अभवत्। एष्यन् चाम्प्यन्स् लीग् स्पर्धानामन्तरे सौद्याः अल् हिलालक्रीडकः व्रणितोSभवत्। आगामी स्पर्धाद्वयात् सः निवारितः अस्ति।