केरले अप्रतीक्षितः वृष्टिदुष्प्रभावः।
षट् मरणानि, चत्वारः अदृष्टाः। 
मलप्पुरं जनपदे दुरापन्नः आकस्मिकप्रलयः, प्रलये लग्नः युवक च।
कोच्ची> केरले मासैकानन्तरं दुरापन्ने वृष्टिदुष्प्रभावे त्रिषु प्रदेशेषु षट् जनाः मृत्युमुपगताः। अप्रतीक्षतया प्रवृष्टे वर्षे जलप्रवाहे निपत्य, मृत्स्खलने च दुरन्तः अभवत्।
मलप्पुरं जनपदे टि के कोलनी स्थाने कोट्टप्पुष़ा नद्यां रविवासरे सायम् आकस्मिकेन जाते जलप्रपाते निपत्य द्वौ मृतौ। चत्वारः तिरोभूताः। जलोत्पाते अभिज्ञाते प्रदेशवासिभिः वनविभागोद्योगस्थैः च कृते व्यवधाने बहवः जनाः रक्षां प्राप्ताः।
ह्यः सार्धचतुर्वादने इटुक्की जनपदे मून्नार् प्रदेशे केदारस्थस्य पटगृहस्य उपरि मत्खण्डं पतित्वा द्वौ मृतौ। अस्मिन्नेव जनरपदे ईराट्टुपेट्टा-वागमण् वीथ्यां केदारस्य संरक्षणभित्तिका वीथीं निपत्य द्विचक्रिकायां सञ्चरन्ती चेन्नै निवासिनी मृता।
कोट्टयं जनपदे पूञ्ञार् प्रदेशे गृहस्य उपरि मृत्स्खलनेन वयोSधिकः मृतः। मृदन्तर्गतौ द्वौ आतुरालयं प्रवेशितौ च।