स्वामी गोलोकानन्द महाराजः समाधिं प्राप।
अनन्तपुरी> श्रीरामकृष्ण मिषन् संस्थायां वरिष्ठः सन्न्यासी स्वामी गोलोकानन्द महाराजः (९४) नित्यसमाधिं प्राप। नगरस्थे श्रीरामकृष्णाश्रमे विश्रान्तिजीवनं नीयमानः सः वार्धक्यसहजेन रोगेण परिचर्यायाम् आसीत्। बुधवासरे सायं सार्धपञ्चवादने आसीत् देहवियोगः। रात्रावेव मठाधिपतेः स्वामि मोक्षव्रतानन्द महाराजस्य नेतृत्वे नेट्टयं श्रीरामकृष्णाश्रमे अन्त्येष्टि कर्माणि विधत्तानि।
श्रीरामकृष्ण परमहंसस्य विवेकानन्दस्वामिनश्च श्रेष्ठम् आत्मीय-मानवसेवापारम्पर्यं जीवनव्रतत्वेन अनुष्ठितवान् सन्न्यासिवर्यः आसीत् गोलोकानन्द महाराजः। पत्तनंतिट्टा जिल्लायाम् आरन्मुला प्रदेशे १९३३ मार्च् २५ तमे दिनाङ्के लब्धजन्मनः तस्य पूर्वाश्रमनाम नारायणन् कुट्टी इत्यासीत्। कालटी श्रीरामकृष्णाद्वैताश्रमस्य अधिपतिना आगमानन्दस्वामिना सह संगमः तम् आत्मीयवीथिमनयत्।