'ए. ऐ अस्मान् सर्वान् विनाशयितुं शक्नोति'; गूगल्-डीपमैन्ड्-शोधकर्तुः आपदीयसूचना।
गूगल्-डीपमैन्ड्-संस्थायाः पूर्वसुरक्षाशोधकर्ता बिलाल्-चुग्ताई पूर्वसूचनां यच्छति यत् कृत्रिमा बुद्धिमत्ता (AI) तीव्रगत्या वर्धमाना मानवजातेः कृते गम्भीरं सङ्कटं जनयितुं शक्नोति। ए ऐ-प्रौद्योगिकी यदा तीव्रगत्या विकसिता भवति, तदा तां नियन्त्रयितुं सुरक्षाव्यवस्थाः मन्दगत्या विकसति इति सः चिन्तां प्रकटयति।
कृत्रिमबुद्धिमत्तायाः (AI) द्रुतगत्या विकासः मानवजातेः अस्तित्वाय एव गम्भीरं भयमुत्पादयितुं शक्नोति इति सूचनां दत्त्वा गूगल्-डीपमैन्ड्-संस्थायाः पूर्वसुरक्षाशोधकर्ता बिलाल-चुग्ताई अग्रे आगतः। ए ऐ-प्रौद्योगिकी यदि अनेनैव वेगेन विकसिता भविष्यति तर्हि मानवजातेः विनाशः भवितुमर्हति, एतादृशीं विपत्तिं निवारयितुम् अस्माकं समीपे समयः अल्पः अस्ति इति सः स्वस्य सामाजिक-माध्यमद्वारा पूर्वसूचनां दत्तवान्।