भारत-अफ्गानिस्थान टि-२० परम्परायां भारतस्य सम्पूर्णविजयः।
तृतीयस्पर्धायां भारतस्य १२७ धावनाङ्कानां विजयः।
 |
| योगासनेन अभिषेकशर्मणः शतकविजयाह्लादः। |
नवदिल्ली> ताडनोद्घाटकस्य अभिषेक शर्मणः शतकयुक्ते अत्युज्वलताडनपाटवे तृतीयस्पर्धायामपि भारतस्य विजयः। अनेन अफ्गानिस्थानं विरुध्य टि-२० क्रिकट् परम्परायां भारतस्य ३-० क्रमेण सम्पूर्णविजयः।
प्रथमं कन्दुकताडनं कृतवता भारतगणेन २० क्षेपणचक्रेषु सप्त ताडकानां विनष्टे २२१ धावनाङ्काः प्राप्ताः। तत्र ३० कन्दुकैः शतकं प्राप्य परं ४ कन्दुकानपि अभिमुखीकृत्य आहत्य १०८ धावनाङ्कान् सम्पाद्य बहिर्गतस्य अभिषेक शर्मणः क्रीडा विशिष्टा वर्तते। केरलीयः सञ्जू सांसणः ५० धावनाङ्कान् सम्प्राप्तवान्। प्रत्युत्तरक्रीडायाम् अफ्गानिस्थानं ९४ धावनाङ्कान् सम्पाद्य सर्वे बहिर्नीताः।