पुनरपि इरान-यूएस् संग्रामः।
टेहरानं> एकमासस्य विरामानन्तरं पुनरपि यू एस् - इरानयोः परस्परयुद्धम्। रविवासरे दक्षिण इराने लारक् द्वीपस्थं 'रोकट्'विक्षेपणस्थानं प्रति अमेरिकायाः आक्रमणमभवत्। होर्मुस् समुद्रसङ्कोचे इरानस्य समुद्रस्फोटकनिक्षेपम् आरोप्य आसीदाक्रमणम्। आक्रमणे द्वौ हताविति इरानेन निगदितम्।
प्रतिक्रियारूपेण इरानेन यू ए ई, जोर्दानराष्ट्रस्थानि सैनिककेन्द्राणि आक्रान्तानि।