'अर्णब्' भूतलमस्पृशत् - आन्ध्रे त्रीणि मरणानि।
ओडीषायां च अतिवृष्टिः। १.८ लक्षं जनाः सुरक्षितस्थानं नीताः।
नव दिल्ली> वंगसमुद्रान्तराले जातः न्यूनमर्दः 'अर्णब' नामकचक्रवातेन रूपान्तरं प्राप्य मंगलवासरे रात्रौ भूतलस्पर्शमकरोत्। आन्ध्रप्रदेशे महानाशमजायत। त्रयः मृताः। उपद्विशतं गृहाणि विशीर्णानि। आन्ध्रे ओडीषायां च १.८ लक्षं जनाः सुरक्षितस्थानं नीताः।
झार्खण्डः, छत्तीसगढः, तेलङ्कानं, पुतुच्चेरी, आन्डमान्-निकोबार् प्रदेशेषु दुरन्तनिवारणसेना विन्यस्ता।