रष्यीयतैलेन्धनविषये ट्रम्पस्य परावर्तनम्।
भारतस्य आश्वासः।
वाषिङ्टणः> रष्यायाः तैलेन्धनं क्रीणन्तः युक्रैनयुद्धे रष्यायै आर्थिकसाह्यं कुर्वन्तीति यू एस् राष्ट्रपतेः डोनाल्ड ट्रम्पस्य आरोपे स एव परावर्तते। रष्यीयतैलेन्धनं क्रीणतां पञ्च राष्ट्राणां विरुध्य (तेषु भारतमपि अन्तर्भवति) १००% दण्डशुल्कं यू एसेन विहितमासीत्। इदानीम् अस्मिन् विषये विपुलानि लाघवानि तेन उद्घोषितानि। शुक्रवासरे आसीत् ट्रम्पस्य नूतनः प्रशासनादेशः।रष्यीयतैलस्य मुख्योपभोक्त्रे भारताय महदाश्वासाय भवति ट्रम्पस्य इदं पराङ्मुखसरणम्।