राजस्थाने विद्यालयेषु दैनंदिपत्रिकावाचनम् अनिवार्यं कारितम्।
जयपुरं> वाचनशीलं प्रोत्साहयितुं छात्रेषु सामान्यावबोधं वर्धापयितुं च सर्वेषु सर्वकारविद्यालयेषु दिनंप्रति पत्रिकावाचनं राजस्थानसर्वकारेण अनिवार्यं कारितम्। प्रभाते छात्रसभायां छात्रैः न्यूनातिन्यूनं दशनिमेषाः पत्रिकाः वाचयितव्याः।
समकालिकविषयाणां परिचायनमेव अनेनोद्दिश्यते। पत्रिकावाचनशीलेन सामान्यविषयान् अवलोकयितुं समर्थाः भवेयुरिति आदेशे स्पष्टीक्रियते। उत्तरप्रदेशे अपि पत्रिकावाचनम् अनिवार्यं कारितम्।