न्यूयोर्क् नगराधिपरूपेण सोहरान् मंदानी शपथमकरोत्।
नगरस्य चरित्रे प्रथमतया इस्लामः, भारतीयवंशजश्च नगरपतिः। 
सोहरान् मंदानी शपथवाचनं करोति।
न्यूयोर्क्> यू एस् राष्ट्रस्य बृहत्तमनगरस्य न्यूयोर्कस्य नगराध्यक्षरूपेण [Mayor] डेमोक्राटिक् दलनेता सोहरान् मंदानी शपथवचनं कृत्वा पदं स्वीचकार। नगरचरित्रे प्रप्रथममेव कश्चन इस्लामधर्मीयः भारतीयवंशजश्च अधिकारं प्राप्नोति।
मान्हटन् इत्यत्र प्रशस्ते Old city hall station नामके स्थाने सम्पन्ने कार्यक्रमे खुर् आन् ग्रन्थं संस्पृश्य आसीत् तस्य शपथवाचनम्। न्यूयोर्कस्य अटोर्णी जनरल् पदीयः लटिटा जयिंसः शपथवाचनमकारयत्। तत्रत्यं पारम्पर्यमनुसृत्य द्विवारं प्रतिज्ञामकरोत्।
मंदानेः पितरौ भारते जन्म लब्ध्वा वासं कृतवन्तौ आस्ताम्। माता तु चलच्चित्रनिदेशिका मीरा नायरः पिता महमूद मंदानी कोलम्बिया विश्वविद्यालये अध्यापकः च स्तः। २०१८ तमे वर्षे सोहरानः अमेरिकानागरिकत्वं लब्धवान्।