इराने प्रक्षोभः - मृत्युसंख्या ३५।
दुबाय्> मूल्यवर्धनं, रियालस्य मूल्यशोषणम् इत्यादिभिः कारणैः सप्ताहाधिकं यावत् इराने सम्पद्यमाने प्रशासनविरुद्धप्रक्षोभे अद्यावधि ३५ जनाः हताः। यू एस् आधारीकृत्य प्रवर्तमानं मानवाधिकारसंघटनं 'ह्यूमन् रैट्स् आक्टिविस्ट्स्' [Human Rights Activits'] नामकेनैव इयं गणना। प्रक्षोभस्य आधारेण १२०० जनाः निगृहीताश्च।
इरानस्य ३१ अंशेषु २७ संख्याकेषु प्रक्षोभः व्यापृतः। २५० स्थानेषु प्रतिषेधान्दोलनानि प्रवृत्तानीति संघटनेन निगदितम्। २५० रक्षिपुरुषाः प्रतिषेधकैः सह प्रतिद्वन्द्वे व्रणिताः इति च सूच्यते।