नवदिल्ली - नाषणल् हेराल्ड् इति वार्तापत्रिकासंबन्धविषये भारतीयसंसदः सभाद्वयमपि स्तंभितम्। सभाकार्यक्रमाः स्थगिताः चl
विषयम् उन्नीतुं लोकसभाध्यक्षा सुमित्रा महाजनः राज्यसभाध्यक्षःहमीद् अन्सारी च बहुवारम् कोण्ग्रस्दलाङ्गान् आमन्त्रयत् तथापि तदनङ्गीकृत्य एव ते सभास्तम्भनं कृतवन्तः।एतद्विषये केन्द्रसर्वकारेण प्रतीकारः क्रियते इति कोण्ग्रस् दलस्य आरोपः।
Social Media
Wednesday, December 9, 2015
नाषणल् हेराल्ड् विषये संसद्स्तंभनम्।
मुम्बईनगरप्रान्तप्रदेशे अग्नि बाधा - द्वौ मृतौ।
मुम्बई - पश्चिमनगरस्य समीपे कान्तिवलीनाम्नि प्रान्तप्रदेशे संवृत्तायामग्निबाधायां द्वौ मृतौ।बहवः आहताः।शताधिकानि कुटीराणि भस्मसात्कृतानि।
कान्तिवलिप्रदेशस्य पूर्वस्यां दिशि अक्कुर्लिमार्गे दामुनगर् प्रविश्यायां ह्यः मध्याह्ने १२.३० वादने अग्निबाधा सञ्जाता।मार्गः कृश इति कारणेन रक्षाप्रवर्तनं दुष्करमभवत्।अस्मिन् सन्दर्भे अनिलकोशानां स्फोटनानि दुरनतस्य तीव्रतामवर्धत।
१६ अग्निशमनयन्त्राणां साहाय्येन आरक्षकाः द्रुतकर्मसेना च रक्षाप्रवर्तनम् अकुर्वन्।
नाटकाचार्यः एस् रामानुजम् अन्तर्यातः।
तञ्चावूर् - दक्षिणभारतस्य नाटकवेदिकाभ्यः नूतनं दिशाबोधं दत्वा नाटकसङ्कल्पने आमूलाग्रं नवपरिवर्तनम् आनीय नाटकरामानुजम् इति विख्यातः आचार्यः एस् रामानुजं कालयवनिकाम् अन्तर्दधौ।८० वयस्क आसीत्।प्राचीन-आधुनिकनाटकानि सहितं मलयालं हिन्दी आङ्गलं तमिल् भाषासु ५० परं नाटकानां निदेशनं अनेन कृतम्।२००८ तमे वर्षे केन्द्र संगीत नाटक अकादम्याः अनुदानं २००२तमे केरलसंगीतनाटकअकादम्याः अनुदानं च अस्मै दत्तमस्ति।
१९३५तमे तमिल्नाटुराज्ये तञ्चावूर् समीपे नाङ्कुनेरी प्रदेशे लब्धजन्मा अयम् आङ्गलभाषायाम् आचार्यबिरुदं देशीयनाटकविद्यालयात् डिप्लोमा बिरुदं च सम्पाद्य गान्धिग्राम् ग्रामीण सर्वकलाशालायां शिक्षकः अभवत्।ततः तृश्शिवपेरूर् नाटकविद्यालये सहनिर्देशको भूत्वा अनन्तरं तञ्चावूर् तमिल् विश्वविद्यालये नाटकविभागस्य अध्यक्ष अभूत्।तञ्चावूरे तप्पाट्टसदृशानां पारम्पर्यकलारूपाणां पुनरुज्जीवनाय अक्षीणम् अयतत।कैरलीनाटकाचार्यस्य जि शङ्करप्पिल्लामहोदयस्य सहप्रवर्तकः चासीदयम्।
केरले विश्वविद्यालयेषु अनध्यापकनियुक्तिः पि एस् सि द्वारा।
अनन्तपुरी - केरलराज्ये सर्वेषु विश्वविद्यालयेषु अनध्यापकानां नियुक्तिं केरल पब्लिक् सर्वीस् कम्मीषन् (KPSC)संस्थाद्वारा कर्तुमुद्दिष्टं प्रमाणपत्रं(Bill) केरलनियमसभया अङ्गीकृतम् उत्तीर्णं च।इदानीम् अध्यापकनियुक्तिः यू जि सि व्यवस्थाः अनुसृत्य अनध्यापकनियुक्तिः विश्वविद्यालयैः निश्चितं व्यवस्थानुसारं च क्रियते।प्रमाणपत्रस्य विधिप्राप्त्यनन्तरं पि एस् सि द्वारा परीक्षां सञ्चाल्य विरच्यमानायाः श्रेणीपट्टिकायाः एव अनध्यापकसेवकानां नियुक्तिः भविष्यति।
भीकराक्रमणे ६ सि आर् पि एफ् भटाः आहताः।
श्रीनगरं - सि आर् पि एफ् भटानां वाहनव्यूहं प्रति संवृत्ते भीकराक्रमणे ६ सेनांगाः क्षताः अभवन्।श्रीनगरात् ५० कि मी दूरे अज्ञाताः भीकराः शतघ्निनिभिः आक्रमणं कृतवन्तः।वाहनव्यूहः जम्मूतः श्रीनगरं प्रति सञ्चरन्नासीत्।
आहताः भटाः अनन्तनागस्थम् आतुरालयं प्रवेशिताः।भीकरान् गृहीतुम् अन्वेषणम् आरब्धम्।
मुम्बईनगरप्रान्तप्रदेशे अग्नि बाधा - द्वौ मृतौ।
मुम्बई - पश्चिमनगरस्य समीपे कान्तिवलीनाम्नि प्रान्तप्रदेशे संवृत्तायामग्निबाधायां द्वौ मृतौ।बहवः आहताः।शताधिकानि कुटीराणि भस्मसात्कृतानि।
कान्तिवलिप्रदेशस्य पूर्वस्यां दिशि अक्कुर्लिमार्गे दामुनगर् प्रविश्यायां ह्यः मध्याह्ने १२.३० वादने अग्निबाधा सञ्जाता।मार्गः कृश इति कारणेन रक्षाप्रवर्तनं दुष्करमभवत्।अस्मिन् सन्दर्भे अनिलकोशानां स्फोटनानि दुरनतस्य तीव्रतामवर्धत।
१६ अग्निशमनयन्त्राणां साहाय्येन आरक्षकाः द्रुतकर्मसेना च रक्षाप्रवर्तनम् अकुर्वन्।
ऐ एस् संस्थां नाशयिष्यति - ओबामा।
वाशिङ्टण् - इस्लामिक् स्टेट्(ऐ एस्) इति भीकरसंस्थायाः उन्मूलनाशं करिष्यतीति अमेरिक्काध्यक्षस्य ओबामावर्यस्य शपथः।कालिफोर्णियाप्रदेशे संवृत्तायाः संघहत्यायाः अनन्तरमेव ओबामावर्येण स्वमतं कठिनीकृतम्।
'वैट् हौस'स्थात् कार्यालयात् राष्ट्रम् अभिसंबोधयन् भीकरतायाः भीषणिः यथार्थमिति स अंगीकृतवान्।किन्तु भीकरताविरुद्धप्रयत्ने भागभागं कृतवतां राष्ट्राणां साहाय्येन अमेरिक्का विजयं प्राप्स्यति इति ओबामा उक्तवान्।
एष़ुत्तच्छन् पुरस्कारः डो. पुतुश्शेरी रामचन्द्राय।
अनन्तपुरी - केरलसर्वकारस्य परमोन्नतः साहित्यपुरस्कारः एष़ुत्तच्छन् पुरस्कारः प्रमुखभाषानिरूपकाय डो. पुतुश्शेरी रामचन्द्राय लभते।सम्माने १.५लक्षं रूप्यकाणि प्रशंसापत्रं फलकं च अन्तर्भवन्ति।
कविः भाषागवेषकः अद्ध्यापकः निरूपकः इत्यादिमण्डलेषु प्रसिद्धो भवति डो पुतुश्शेरी।मलयालसाहित्याय तस्य समग्रयोगदानमधिकृत्य एवायं पुरस्कारः।
Tuesday, December 8, 2015
लोक् पाल् बिल् दिल्ली मन्त्रिसभया अङ्गीकृतः।
निर्वाचनवेळायां आम आदमी दलेन उक्तः वाक् आसीत् लोकपाल इति।
नवदिल्ली- अलीकान् प्रतिरोद्धुं केजरिवालस्य दलेन उन्नीतः आशयः भवति एतत् । दिल्ली गवर्णर् केन्द्र सर्वकारः च अङ्गीकरणीयः । तदनन्तरमेव नियमस्य साधुता भविष्यति। यूनः अनेन प्रभावितः च। नियमपत्रिकायाः प्राबल्यः भविष्यति चेत् ओंबुड्स्मानस्य अधिकार परिधिः इतोपि वर्धमानः भवेत् ।
चेन्नैनगरे सांक्रमिकरोगभीतिः।
चेन्नै - प्रलयदुरितेन विवशं चेन्नैनगरं सांक्रमिकरोगेभ्यःभीत्यां समजायत।यद्यपि वृष्ट्याः शमनमभुत्तथापि नगरे सर्वत्र प्रवाहरहितजलाकरस्य सान्निद्ध्यमेव व्याधिभीत्याः कारणम्।नगरहृदयेन प्रवहन्ती कूवं नदी नगरमालिन्यवाहिनी च वर्तते।अतः अतिवृष्ट्या सा तटोद्गामिनी अभवत्।मालिन्यानि नगरे सर्वत्र वितरति स्म।अपि च मार्गाणां नाशः रक्षाप्रवर्तनं दुष्करं कारयति स्म।
इतःपर्यन्तं ११ लक्षं जनाः सुरक्षितस्थानं नीताः।चेन्नै विमानपत्तने आभ्यन्तरयात्रासेवनम् आरब्धम्।
Monday, December 7, 2015
संस्कृतसंगोष्ठी
कलिकट् - सांस्कृतिकनवोत्थानाय संस्कृतम् इत्यस्मिन् विषये केरलसर्वकारस्य शिक्षा विभागेन कलिकट्टा नगरे देशीय सड़्गोष्ठी आयोज्यते। टागोर हाल मध्य दिसं 9 दिनाड़्के प्रातः10 वादने सड़्गोष्ठ्याः उद्धाटनं बलदेवानन्दसागरः करिष्यति। डा. पि.के. धर्मपालन् , डि. पि. ए. एम्. एस् .जया, डा.सुनीति देवी इत्यादयः भाषायाः करिष्यन्ति। 'कर्णभारम्' इति एकाड़्क नाटकमपि अस्य अड़्गतया वेदिकायाम् अवतरिष्यते।
सनातनधर्म परिषत्।
कलिकट् - अद्वैताश्रमस्य आचार्येण चिदानन्दपुरीखाभिना नगरस्य श्रीनारायणमण्डपे पञ्चदिवसीय धर्म परिषत् आयोजिता । प्रति वर्षं सञ्जाल्यमानायां परिषदिगणमान्य प्रवाचका भागभागिनः सन्ति । परिषदः कार्यक्रमेस्मिन् सहस्राधिकाः श्रोतारः वर्तन्ते। संस्कृतपठनस्य मार्गनिर्देशः अपि इतः दीयते।
मोदिनम् अपायीकर्तुं लष्कर् संघस्य उद्यमः विफलीकृतः।
नवदिल्ली - भारतस्य प्रधानमन्त्रिणं नरेन्द्रमोदिनं जीवापायं कर्तुं पाकिस्तानस्थेन लष्कर् ई तोयिबा इत्यातङ्कवादिसंघेन आसूत्रिता पद्धतिः रहस्यान्वेषणसंस्थया भञ्जिता।
भारते भीकराक्रमणसाध्यता अस्तीति प्रधानमन्त्री तेषां मुख्यलक्ष्यम् इति च गुप्तचरदलेन पूर्वमेव प्रस्तुतमासीत्।ततःपरं दिल्ली आरक्षकसंघस्य गुप्तचरदलस्य च संयुक्तान्वेषणस्य अन्ते भीकराणां पद्धतिः पराजिता अभवत्।
भारत-पाक् बान्धवे नवजीवः।
नवदिल्ली - भारत-पाकिस्तानराष्ट्रयोः परस्परबन्धुत्वे नवजीवं ददती देशीय-उपदेष्ट्रोः चर्चा।भारतस्य देशीयोपदेष्टा अजित् डोवलः पाकिस्तानस्य देशीयोपदेष्टा नसीर् खान् जान्जुवा च ताय्लान्ट् राजधान्यां बाङ्कोक्क् नगरे मिलितवन्तौ। उभयराष्ट्रस्य शान्तिः, सुरक्षा, भीकरवादः ,जम्मुकाश्मीरविषयः इत्यादयः चर्चाविषयाः आसन्।दक्षिणेष्यायां सुस्थिरः शान्तिःआनयितव्या इति चर्चानन्तरं कृते संयुक्तप्रस्तावे उद्घोषितम्।
उच्चतमन्यायालयेन विधेः शासनं संधारयिष्यते
चेन्नै नगरे पुनः वृष्टिः
चाडनगरे विस्फोटघटनायां २७ जनाः मृताः
चेनै विमानपत्तनम् इदानीं राष्ट्रियान्तारष्ट्रिविमानसेवाभ्यः पूर्णतया सक्रियतया सन्नद्धम्।
भारतपाकिस्तानयोः रचनात्मकसम्बन्धानां विकासार्थं सहमतिः प्रकाशमागता।
पञ्जाबे पवित्रग्रन्थस्यावमानकर्ता मुख्याभियुक्तो ह्यः हरियाणाराज्ये जीन्दनगरे निगृहीतः।
विदेशमन्त्री सुषमास्वराजमहाभागा निगदति यद्भारतं खलु समन्वितनेपालस्य समर्थकं द्रुतं च राजनीतिकसङ्कटसमाधानमीहते।
भूतपूर्वराष्ट्रपतेः कलामस्य स्थावरदूरवाण्याः शुल्कः न दत्तः- BSNL सूचना प्रेषितः।
अनन्तपुरी केरलस्य राजभवने उषितः अब्दुल् कलामः तस्मिन् काले उपयोक्तुं 2724800 सङ्ख्यकः स्थावर दूरवाणीम् स्वीकृतवन्त: तस्य निधनानन्तरं शुल्कः कोपि न दत्तः इत्यनेन स्थावरदूरवाण्या: शुल्कः 1026 रुप्यकाणि एव अभवत्। अत एव BSNL कर्मचारिभिः सूचना प्रेषिता। एतादृश घटना अस्तीति एतावत्पर्यन्तं BSNL अधिकारिणः न उक्तवन्तःइति रजभवनात् वदति। तथापि शुल्क: दातुं विलम्बम् विना यत् करणीयं तत् करिष्ये इत्यपि राजभवनात् अवदत्।
Comment - His Mother Bharataamba is Crying today.
Sunday, December 6, 2015
दिल्ल्यां लष्कर् आक्रमणात् भीतिः- आरक्षकाः
आतङ्कवादे बालकानां नियुक्तिः।
विषिञ्ञंपद्धतेः शुभारम्भः।
अनन्तपुरी - केरलराज्ये अन्ताराष्ट्रमहानौकापत्तनाय विषिञ्ञंप्रदेशे समुद्रतीरे ह्यः शिलास्थापनमकरोत्। विषिञ्ञं पद्धतिः इत्याख्यायमानायाः अस्याः निर्माणम् अदानीसङ्घः इति निर्माणसंस्थया क्रियते।
विषिञ्ञं प्रदेशवासिनां कृते तीरसमृद्धिः इति ३५ कोटिरूप्यकाणां पद्धतिरपि अदानीसङ्घस्य अध्यक्षेण गौतम् अदानीवर्येण विज्ञापिता। यदि अवस्था अनुकूला स्यात्तर्हि सहस्रदिनाभ्यन्तरे पत्तनस्य निर्माण पूर्तीकरिष्यति इति तेनोक्तम्।
केरलस्य मुख्यमन्त्री उम्मन् चाण्टि महोदयः स्तम्भदीपं प्रज्वाल्य पद्धतेरस्य उद्घाटनं निरवहत्। केन्द्रमन्त्री नितिन् गड्करी महाशयः शिलास्थापनफलकस्य अनावरणं कृतवान्।
कार्यक्रमेस्मिन् के बाबू , पि जे जोसफः, वि के इब्राहिम् कुञ् ,के पी मोहन:, वि एस् शिवकुमारः इत्येते मन्त्रिणः जनप्रतिनिधयः अन्ये च भागभागित्वं कृतवन्तः।
Saturday, December 5, 2015
केरलेषु संस्कृतप्रशिक्षणस्य सञ्चालनाय
१०१ संख्याकानां समितिः ।
इटुक्की
- प्रशिक्षणस्य सुगमसंचालनाय 101 जनानां स्वागतसंघं रूपीकृत्य कार्याणि
कुर्वन्त: सन्ति। धनसमाहरणस्य उद्घाटनं श्री कुम्मनं राजशेखरमहोदयेन
कृतम्।प्रशिक्षणस्य प्रचरणाय दीपावली कुटुम्बसंगमे कुमारी सरस्वत्याः
संस्कृतपरिचयः इति कार्यक्रम: जात: । प्रशिक्षणपूर्वशिबिराणि स्थानत्रये
आयोजितमस्ति। जनपदे विद्यमान अद्ध्यापका: वैद्याः ,संस्कृतेन जीवनं
कुर्वन्तः इतरमेखलासु विद्यमानाः अपि स्वकीयं कार्यमिति मत्वा प्रशिक्षणस्य
साहाय्यं कुर्वन्तः सन्ति।
महाप्रलयः - चेन्नै नगरं पृथक्कृतं;
साहाय्यहस्ताः प्रसरन्ति।
चेन्नै
- तमिल्नाडुराज्ये संवृत्तायां घोरवृष्ट्यां राजधानी चेन्नैनगरेण सहितानि ५
जनपदानि जलोपप्लवे आमग्नानि।३०० अधिकं जनाः मृताः । विद्युच्छक्तिः
स्थगिता। जनजीवनं निश्चलमभूत्। राजमार्गेण सहिताः सर्वे वीथयः जले निमग्नाः
अभवन्। राजधानी चेन्नै नगरं पृथक्कृतमभवत्। राष्ट्रस्य विविधभागेभ्यः
साहाय्यानि लभन्ते। प्रधानमन्त्री नरेन्द्रमोदी प्रलयमण्डलं सन्दर्श्य
१०००कोटिरूप्यकाणां साहाय्यं प्रख्यापितवान्।
Friday, December 4, 2015
केरलेषु संस्कृतभाषापाठने पुरोगतिः -
संस्कृताध्यापक-फ़ेडरेशनस्य साफ़ल्य:
अनन्तपुरी- केरलसर्वकारेण वर्षद्वयाद्पूर्वमेव बहुविध सम्मर्द्देन प्रथमकक्ष्यादारभ्य संस्कृतपाठनमारब्द्ध। किन्तु पुस्तकनिर्माणे कालविलम्बः अभवत। 'केरल-संस्कृत-अध्यापक-फ़ेडरेशन्' नाम अध्यापक दलेन समर: आरब्ध: च, अन्ते पुस्तकमपि आगतम्। अधुनापि फ़ेटरेशन् द्वारा कृतः संमर्द्दस्य अन्ते एव प्राथमिकस्तरे अपि परीक्षा सञ्चालनाय निदेशः आगतः ,GO www.kstfedu.org मध्ये लभते। संस्कृताध्यापक-फ़ेडरेशनस्य साफ़ल्य:
टि एस् ठाक्कुरः भारतस्य मुख्यन्यायाधिपः।
नवदिल्ली - भारतस्य ४३ तम मुख्यन्यायाधिपस्थाने नियुक्तः तिरात् सिंह् ठाक्कुरः गतदिने सत्यप्रतिज्ञां कृतवान्। राष्ट्रपतिभवने संवृत्ते कार्यक्रमे राष्ट्रपतिः प्रणब् मुखर्जीवर्यः प्रतिज्ञावाक्यानि उपादिशत्। ६३ वयस्कः न्या.ठक्कुरः ईश्वरनाम्नि सत्यप्रतिज्ञाम् अकरोत्। प्रधानमन्त्री नरेन्द्रमोदी राज्यसभायाः उपाध्यायक्षः श्री हमीद् अन्सारी, श्रीमन्तः राजनाथसिंहः ,सुषमा स्वराजः,अरुणजय्टिली इत्यादयः केन्द्रमन्त्रिणः दिल्लीमुख्यमन्त्री अरविन्दकेज्रीवाल्वर्यः भाजपा नेता एल् के अद्वानीवर्यः इत्यादयः बहवः प्रमुखाः अस्मिन् कार्यक्रमे सन्निहिताः आसन्।Thursday, December 3, 2015
चीनाराज्यस्योपरि शत्रुतया न दृष्टा-
व्योमसेना मेधावि- अरूप राह।
न्यूदिल्ली -चीना-भारतराज्ययोः परस्पर सहवर्तर्तित्वं राज्ययोः अधिकविकास स्यात् इति व्योमसेना मेधाविनः प्रतिवचनं। द्वयोः राज्ययोः तात्पर्याणि तु समाना च। चैनराज्येभ्यः सह युद्धं अभिप्राय भेदः सीमा तर्कादीनां परिहारादयः प्राप्तव्यानि। सैनिकतले साम्पत्तिकस्थरे च सहवर्तित्वं चेत् औन्नत्यं भविष्यति इति च सः उक्तवान् ।
चेन्नै नगरे अतिवृष्टिः ,197 जनाः मृताः
चेन्नै - विमानपत्तनस्य धावनपथे जलोपप्लवः, रविवासर पर्यन्तं भिधानम्। अस्मिन् शताब्दस्य महतीवृष्टि: इत्यभिधया उक्तः वृष्ट्या आनगरं प्रलयेन आप्लावितः। जनानां जीवन: स्थंभितः।सहस्राधिकान् दुर्घटनायाः वैपुल्यं ज्ञात्वा अन्यत्र प्रेषिताः विद्युत् बन्ध: प्रातः पुन:स्थापितः। जङ्गमदूरवाण्यः अधुनापि प्रवर्तनरहिताः। वारद्वयं यावत् वृष्ट्या मृतानां सङ्ख्या 197 अभवत्। मुख्यमन्त्रिणा जयललितया प्रलयबाधितप्रदेशेषु व्योमनिरीक्षणं क्रियते।Wednesday, December 2, 2015
सुरक्षितात्रा - राष्ट्राणां पट्टिकातः
भारतं न त्यक्तवन्तः - रष्या
मोस्को - सुरक्षितयात्रायुतराष्ट्राणां पट्टिकातः भारतं न त्यक्तवन्तः इति रष्या । भारतं गोवां च सुरक्षितविनोदसञ्चारकेन्द्राणां पट्टिकातः त्यक्तवन्तः इति वृत्तान्तानां आधारेण एव रष्या विशदीकरणं दत्तवन्तः ।
संस्कृतविश्वविद्यालस्य कीर्तिः अपाकर्तुं केचन प्रयतन्ते- उपकुलपति: ।
कोच्ची - कालटि श्री शङ्कराचार्य विश्वविद्यालयस्य अपकीर्तये विश्वविद्यालयस्य अन्तः बहिः च केचन प्रयत्नं कुर्वन्ति इति उपकुलपति: डा. एम् सि दिलीप् कुमारः अवदत् । अत्र विद्यमाना: अध्येतार: ७०℅ अपि निर्धना: छात्रा: I एतेषां छात्रवृत्तिः विलम्बेन एव लभते। एम् फिल् पि एच् डि नेट्ट् परीक्षासु विश्वविद्यालयस्य 90% छात्रा: अपि उत्तीर्णतां प्राप्नोतिI गतवर्षस्य उत्तम विश्वविद्यालयाय दीयमानः गवर्णेर्स् कप् पुरस्कारे चतुर्थस्थानं प्राप्तं इत्येतत् श्रद्धेयः अंशः भवति ।
मार्गी सती दिवंगता।
चेरुतुरुत्ती - प्रसिद्धा कूटीयाट्टं तथा नङ्यार्कूत्त् कलाकारी मार्गी सती (50) अनन्तपुर्याम् आर् सि सि आतुरालये दिवंगता।अर्बुदरोगबाधिता आसीत्।
कूटियाट्टं,नङ्यार्कूत्त् इत्यनयोः कलारूपयोः प्रचारका सा ऐक्यराष्ट्रसभायाः आस्थानमन्दिरे तथा बहुषु विदेशराष्ट्रेषु च स्वस्य प्रतिभां प्रदर्श्य आस्वादकानां मुक्तकण्ठप्रशां प्राप्तवती। श्रीरामचरितम् इति नङ्यार्कूत्त् सतीवर्यायाः योगदानत्वेन विराजते।
Tuesday, December 1, 2015
वनसंरक्षणमुद्दिश्य पथसञ्चलनम्
कोच्ची- वातावरणव्यत्ययस्य प्रत्याघातान् प्रतिरोद्धुं वनानि संरक्षणीयानि इति सन्देशं उद्घोषयन् 'पीप्पिल्स् क्लैमत्स् 'नाम दलः पथसञ्चलनमकरोत्। केरलेषु अतिरप्पिल्ली वनमण्डलेषु आयोजिते पथसञ्चलने 1500 संख्यकाः परिस्थितिप्रवर्तकाः आगताः। प्रमुखः परिस्थितिप्रवर्तकः शङ्कर शर्म, डो. वि.एस्.विजयः सि .आर.नीलकण्ठ: प्रोफ़.सीताराम: आदय: 70 संख्यकाः विविधपरिस्थितिदलानां नेतारः अत्र मिलिताः। वनानि परिस्थितिं च नाशयन्तीं योजनां कर्तुं न शक्यते सर्वकारेण । वयं तत् रोध्तुं सन्नद्धाः इति सि .आर.नीलकण्ठ: अवदत्। शिला खननाय सर्वकारेण अनुज्ञा दीयते चेत् तां प्रतिरोद्धुं शक्ताः वयम् इति च सः अवदत्।
Monday, November 30, 2015
भारतीय मेट्रो रेल् पद्धतीनां कृते जापान् ५,४७९ कोटि रूप्यकाणि ऋणम् दास्यति |
 |
-
|
नवदिल्ली -चेन्नै मेट्रो रेल् पद्धत्याः कृते १,०६९ कोटि रूप्यकाणि तथा अहम्मदाबाद् मेट्रो रेल् पद्धत्याः कृते ४,४१० कोटि रूप्यकाणि जापान् लोण् दास्यति इति केन्द्र धनकार्यमन्त्रालयेन सूचितम् |
'वै फ़ै'विद्यायाः 100 गुणित वेगवान् लै-फ़ै
परीक्षणम् विजयं प्राप्तः
नवदिल्ली- भाविनि कालः LED प्रकाशकन्दः अन्तर्जालं संप्रेषयतुमुपकरिष्यति। 'वै-फ़ै'विद्यायाः स्थाने दृश्य प्रकाशस्य सहायेन दत्त(Data) सन्निवेशं कर्तुं लै-फ़ै ( Li-fi ) संविधानेन आरब्धः।
वै-फ़ै'विद्यायाः शतगुणितवेगवान् अयं निमिषाभ्यन्तरेण 1जिगाबैत् वेगेन
(1Gbps ) दत्तस्य सन्निवेशः सुसाध्यं करोति । सामान्य LED कन्दमिव
प्रकाशस्रोतः अन्तर्जाल-संबन्धः प्रकाशसंवेदकः च अस्मिन् सौकर्याय
पर्याप्तः। एस्तोनियायाः राजधान्यां टालिन् नाम नगरे 'वेल्मिन्नि
'(Velmenni) नाम संस्थया कार्यालयस्य अन्तर्भागे परीक्षणमकरोत्
'दृश्यप्रकाश संप्रेक्षणं ' ( VLC ) रङ्गेषु पुरोगमनम् इदानीम् साध्यम्
इति अनया संस्थया उक्तम् (Velmenni Jugnu )। नवदिल्यां भवति संस्थायाः अद्यतनकार्यालयः। 
Sunday, November 29, 2015
Saturday, November 28, 2015
नीतिसंहितापरिवर्तनं न करिष्यति - प्रधानमन्त्री
नवदिल्ली - भारतस्य नीतिसंहितायाः परिवर्तनमधिकृत्य याकापि चिन्ता न वर्तत इति प्रधानमन्त्री नरेन्द्रमोदिवर्यः। तादृशी चिन्ता आत्महत्यापरा इति च सः अवदत्। भूरिपक्षस्य शासनात् समवायो भवति जनाधिपत्यस्य शक्तिःइति लोकसभायां संवृत्तायाः चर्चायाः प्रतिवचने मोदिवर्यः उक्तवान्। भारतसंविधानस्य आधारतत्त्वानि संरक्षिष्यति इति अभिमतम् ऐककण्ठ्येन उत्तीर्णम्।
बासमतीधान्यस्य स्थानं प्रयासं क्रियते
भोपाल:- मुख्यमंत्री श्री शिवराजसिंहचौहान:
उक्तवान् यत् मध्यप्रदेशे उत्पादितं भूयमानं बासमती धान्यम् उत्तरप्रदेशम्,
पंजाबम्, उत्तराखण्डम् आदय: प्रदेशेषु भूयमानं धान्यस्य समानं बासमती
धान्यस्य स्थानं प्रदानस्य प्रयासं क्रियते। एतस्मै एपीडाया: समक्षं
मध्यप्रदेशस्य पक्षं सुदृढ़तया स्थाप्यते। श्री चौहान: शाहगंजे अन्त्योदयं
मेलापके उपस्थित: जन: समुदायं संबोधयन् आसीत्। स: उक्तवान् यत् प्रदेशे
उत्पादितं भूयमानं धान्यं बासमती स्थानं मिलिते सति कृषकान् आर्थिकं लाभं
मिलिष्यति। -mpinfoThursday, November 26, 2015
केरलेषु हट्ताल् नियन्त्रणाय नियमः।
अनन्तपुरी- केरलेषु हट्ताल् नियन्त्रणाय नियमनिर्माणसभा पर्यालोचयिष्यते। नवंबरमासस्य ३० दिनाङ्गे आरभ्यमाणे ससंमेलने नियम नियमनिर्माणरेखा'बिल्' अवतारयिष्यते इति अभ्यन्तरमन्त्रि: रमेश् चेन्नित्तला अवदत्।
बन्द् पूर्वमेव केरले निरोधितः आसीत् ।
बन्द् पूर्वमेव केरले निरोधितः आसीत् ।
शताधिकानि मृतशरीराणि अपहृतानि।
एकमासाभ्यन्तरेण हैदराबाद् नगरस्य प्रमुखात् आतुरालयात् शताधिकानि मृतशरीराणि अपहृतानि सर्वानुगतावगमावकाशः (RTI ) नियमानुसरेण बहिर्दत्ता इयं वार्ता। मनुष्यशरीरवाणिज्ये लग्नाः गुप्तसङ्घा: राज्ये व्यापका: वर्तान्ते इति अनेन सूच्यते।
सर्वकारीयकर्मकराणां विरामदिनानि न्यूनीकुर्यात् - वेतनपरिष्करण -कम्मीशन्
कोच्ची : सर्वकारीयकर्मकराणां विरामदिनानि न्यूनी कृत्य कर्मदिनानि वर्धनीयानि इति वेतनपरिष्करण कम्मीशनस्य अध्यक्षः जस्त्तिस् . रामचन्द्रन् नायर् महोदयः अवदत्।
प्रवर्तिदिनेषु सङ्घटना प्रवर्त्तनानि निषिद्धानि भवन्तु । सर्वकारीय कर्मकाराणां कार्यक्षमतावर्धनमुद्धिश्य अयं निदेशः। दलीय प्रवर्तनाय विरामदिनानि अथवा अवकाश दिनानि उपयोक्तव्यानि । अध्यापकाः दलीय प्रवर्तनात् विरक्ताः भवन्तु इति च सः अवदत्
निर्वाचनासन्दर्भेषु विरक्तानां सेवनानि उपयोक्तव्यानि इति च तेन निर्दिष्ठम्।
लोकसभासम्मेलनस्य अद्य प्रारम्भः।
नवदिल्ली - भारतलोकसभायाः शीतकालीनसम्मेलनम् अद्य प्रारभते।भरणसंविधानस्य अङ्गीकारस्य वार्षिकरूपेण सविशेषसम्मेलनं भवति शुक्रवासरे। तत्र भारतीयभरणसंविधानशिल्पिने डो. बि आर् अम्बद्करमहोदयाय आदरं प्रदर्शयिष्यति।
Wednesday, November 25, 2015
मद्यनिरोधनाय बीहारराज्यम्।
पाट्ना - बीहारराज्ये मदिरानिरोधनाय सर्वकारेण निश्चितमस्ति।मद्यनियन्त्रणविभागस्य मन्त्री अब्दुल् जलील् मस्तान् वर्यः एतद्विषयं ज्ञापितवान्।
राज्ये सम्पूर्णमद्यनिरोधनाय पूर्वमेव महिलासहिताः जनाः निवेदनं कृतवन्तः आसन्।
राज्ये सम्पूर्णमद्यनिरोधनाय पूर्वमेव महिलासहिताः जनाः निवेदनं कृतवन्तः आसन्।
स्वातन्त्र्यदिने गणतन्त्रदिने च सर्वकारसेवकेभ्यः
विरामः न दातव्यः - उच्चन्यायालयः।
कोच्ची - देशीयस्वातन्त्र्यदिने गणतन्त्रदिने च सर्वकारसेवकानां कृते युक्तियुक्तं कारणं विना विरामः न दातव्यः इति केरलस्य उच्चन्यायालयेन आदिष्टम्।देशीयदिनाचरणकार्यक्रमेषु सेवकानां भागभागित्वं निश्चयेन भवितव्यमिति मुख्यन्यायाधिपः अशोक् भूषणः न्याया. ए एम् षफीखः इत्येतौ न्यायाधीशौ आज्ञप्तवन्तौ।
कोच्ची - देशीयस्वातन्त्र्यदिने गणतन्त्रदिने च सर्वकारसेवकानां कृते युक्तियुक्तं कारणं विना विरामः न दातव्यः इति केरलस्य उच्चन्यायालयेन आदिष्टम्।देशीयदिनाचरणकार्यक्रमेषु सेवकानां भागभागित्वं निश्चयेन भवितव्यमिति मुख्यन्यायाधिपः अशोक् भूषणः न्याया. ए एम् षफीखः इत्येतौ न्यायाधीशौ आज्ञप्तवन्तौ।
Tuesday, November 24, 2015
असमत्वे प्रतिषेधः - जयन्तमहापत्रेण पद्मश्रीः प्रत्यर्पिता।
भुवनेश्वरम्
- राष्ट्रे वर्धमानायाम् असहिष्णुतायां प्रवर्तमाने असमत्वे च प्रतिषेध्य
प्रमुखः ओडीसीयकविः जयन्तमहापात्रवर्यः स्वकीयं पद्मश्रीपुरस्कारं
प्रत्यर्पयत्। एतद्विषयं राष्ट्रपतये प्रणब् मुखर्जीवर्याय न्यवेदयत् ।
एतत् प्रतिसमर्पणं न राष्ट्रं प्रति अवमतिः किन्तु असहिष्णुतां विरुद्ध्य
स्वस्य आशयानुसारिणी प्रतिषेधप्रतिक्रिया इति तेनोक्तम्।
८८ वयस्कःमहापात्रवर्यः ओडियाभाषायाम् आङ्गलेयभाषायां च २७ पुस्तकानि रचितवान्। साहित्यमण्डले समग्रयोगदानं पुरस्कृत्य १९९९ तमे वर्षे पद्मश्रीपुरस्कारेण एषः महोदयः सम्मानितः।
८८ वयस्कःमहापात्रवर्यः ओडियाभाषायाम् आङ्गलेयभाषायां च २७ पुस्तकानि रचितवान्। साहित्यमण्डले समग्रयोगदानं पुरस्कृत्य १९९९ तमे वर्षे पद्मश्रीपुरस्कारेण एषः महोदयः सम्मानितः।
जम्मु मध्ये उदग्रयानदुर्घटना - ७ मरणानि।
नवदिल्ली - जम्मु राज्ये कत्रप्रदेशे उदग्रयानस्य भञ्जने केरलीयवैमानिका नवदम्पतीः च सहिताः ७ यात्रिकाः हताः। कत्रातः वैष्णोदेवीमन्दिरं प्रति तीर्थाटकैः सह गन्तुमुद्युक्तम् उदग्रयानम् उड्डयितक्षण एव अभञ्जत। याने पक्षिप्रहरमेव दुर्घटनायाः कारणमिति मन्यते।
Monday, November 23, 2015
भारते सर्वेभ्यः तुल्यः अधिकारः नीतिश्च इति मोदिवर्य:।
क्वालालम्पूर् - भारतम् किञ्चन युवकानां राष्ट्रं भवति, अत्र सर्वेभ्यः तुल्यः अधिकारः नीतिश्च इति प्रधानमन्त्री नरेन्द्रमोदिवर्य:। सर्वकार-जनयो: मध्ये व्यवहारे परिवर्तनम् आगच्छति। सर्वकारीय व्यवहारान् अतीव ललितं कर्तुं प्रयत्नः प्रचलति। नानात्वात् शक्तिं स्वीकृत्य भारतं सर्वथा एकतायां बद्धं भवति। आसियन उच्चकोटिसम्मेलने भागं स्वीकृत्य भारतसमाजम् सम्बुध्य भाषमाणः आसीत् सः। विश्वे महती आर्थिकी शक्ति: भविष्यति भारतम्। विश्वे निपुणानाम् ऐ. टि. विभागज्ञानाम् उत्पत्तिः अधिकतया भारतात् एव संभवति । भारतीयानि उत्पन्नानि लोक विपण्यां आगच्छन्ति सन्ति। एवं उत्तम कार्याणि आधिकानि जायमानानि सन्ति। भारतस्य बृहत्तमः वाणिज्यसहकारी भवति मलेष्या। सः सम्बन्धः सर्वदा वर्धनीयः। मलेष्यायाः विकसने तमिल् जनानां सम्भावना आपि महत्तमा इति मोदिवर्येण उक्तम्।
॥ सुवचनानि ॥
परोपकारार्थमिदं शरीरम् ।
परोपकारः पुण्याय ।
परोपकाराय सतां विभूतयः ।
Sunday, November 22, 2015
हिंसाशीलानि न्यूनीकर्तुं विद्यालयेषु सङ्गीताध्ययनं अनिवार्यं करणीयम् - इळयराज:
गोवा
- राष्ट्रे वर्धमानानि हिंसाशीलानि न्यूनीकर्तुं विद्यालयेषु
सङ्गीतपठनम् अनिवार्यम् करणीयमिति सङ्गीतकुलपतिः इलयराजा स्वाभिप्रायं
प्राकटयत्। सङ्गीतं छात्रेषु भद्रदर्शनस्य पाठान् पाठयिष्यति इति तेन
उक्तम् । बालमनोभ्यः अक्रमवासनाः दूरीकर्तुं सङगीते विद्यमानया ईश्वरीयतया शक्नोतीति तेन स्वीयमतं प्रकटितम् । विद्यालयीय -महाविद्यालयीय
-पाठ्यपद्धतीषु सङ्गीताय प्राधान्यं देयम्। तदर्थं सर्वकारेण आवश्यकानि
कार्याणि करणीयानि इत्यपि तेन उक्तम्। गोवायां विश्वचलचित्रोत्सवे शताब्दीपुरस्कारं स्वीकृत्य भाषमाण: आसीत् सः।
मद्यशाला उत्कोचविषये सि बि ऐ अन्वेषणम् उचितमिति उच्चन्यायालयः।
कोच्ची - केरले मद्यशाला उत्कोचविषये सि बि ऐ सदृशानां संघानाम् अन्वेषणं स्यादुचितमिति उच्चन्यायालयेन अभिमतं प्रकटितम्। भूतपूर्वधनमन्त्री के एम् माणिवर्यः निरपराधी इति मुख्यमन्त्रिणः इतरमन्त्रिणां च प्रस्तावे नीतिपीठः अतृप्तिं प्राकटयत्। विजिलन्स् न्यायालयात् एतद्विषयसंबन्धिनः सर्वान् प्रलेखान् उच्चन्ययालयं नेतुं निर्दिष्टम्।न्यायालये लब्धे निवेदने डिसं २ दिनाङ्के वादं श्रुत्वा विधिप्रस्तावः भविष्यति।
Saturday, November 21, 2015
मालिदेशे भीकराक्रमणम् - १७० जनाः बन्धनस्थाः।
बमाको - पारीस् भीकराक्रमणानन्तरं आतङ्कवादिनः पश्चिमा आफ्रिक्कीयस्य मालिदेशस्य राजधान्यां कस्मिंश्चित् उपाहारगृहम् आक्रम्य १७० जनाः बन्धनस्थीकृताः। त्रयः मृताः इति मालि गृहमन्त्रिणा सूचितम्। मृतेषु द्वौ माली देशीयौ एक फ्रञ्च्देशीयः च। नवजनाः मृताः इत्येव औद्योगिकं वृृत्तम्। विंशति भारतीया: तत्र आसीत् चेदपि ते त्रासिताः इति विदेशकार्यमन्त्रालयेन सूचितम् । बमाक्को मध्ये सम्मर्दयुक्ते राडिसन् ब्लू पञ्चनक्षत्राट्टाहारावासशालायां एव भीकराक्रमणम्। बन्धितेषु १४० जनाः अतिथयः तथा ३० जनाः वासशाला कार्यकर्तार: च भवन्ति। बन्धितान् रक्षितुं मालि फ्रञ्च् सैनिकाः तत्र प्रविष्टाः।
तटियन्टविट नसीरस्य न्यायवादिनः नीतिपीठेन सूचिताः।
बङ्गलुरु - बङ्गलुरु विस्फोटनविषये अपराधिनः तटियन्टविट नसीर् इत्यस्य न्यायवादिनः बाङ्लूर् ऐ एन् ए न्यायालयः पूर्वसूचनाम् अकरोत्।विषये अन्तर्भूतान् साक्षिणः स्वाधीनतां कुर्वन्ति इत्यारोपणे एव नीतिपीठस्य रूक्षविमर्शः।
नसीरस्य मित्रं सन्देशवाहकः च पेरुम्पावूर् स्वदेशीयः षहनासः गतसप्ताहे आरक्षकैः गृहीतः आसीत्।तस्य सकाशात् साक्षिणः दूरवाणीसंख्या , सङ्केतः इत्यादयः परिगृहीताः।साक्षिणः संरक्षणीयाः इति कर्णाटकसर्वकारः न्यवेदयत्।
Friday, November 20, 2015
आन्ध्रायां महती वृष्टिः -
१०मरणानि,कृषिनाशः।
१०मरणानि,कृषिनाशः।
आतङ्कवादीमुख्यः मारितः
पारीस् - फ्रान्स् राष्ट्रस्य राजधान्यां पारीसे शुक्रवासरे जातस्य आतङ्कवादाक्रमणस्य सूत्रधारः अब्देल हमीद् अबौदः मारितः । आक्रमणे द्वौ मारितौ इति अधिकारिभिः सूचितमासीत् । किन्तु अबौदः इति अधुना एव फ्रान्स् प्रधानमन्त्रिणा मान्वल वाल्स्वर्येण स्पष्टीकृतम् ।
केरलेषु ग्रामसभासु वामदलस्य आधिपत्यम् -
एल् डि एफ् ५५० ,यू डि एफ् ३१५।
Thursday, November 19, 2015
पाकिस्थाने विविध धर्मावलम्बिनः मिलित्वा दीपावलीं पर्वयित्वा आदर्शरूपं मार्गं प्रदर्शयन्ति।
पेषावार् - हैन्दवैः समं मुस्लीं सिख् क्रैस्तवादयः मिलित्वा दीपावलीं साघोषम् आचरितवन्तः I उत्सवस्यस्य उद्घाटनं प्रादेशिकः धार्मिककार्यस्य मन्त्री खारि रूहुळ्ळ मदनि वर्येः अकरोत् । धर्मन्यूनपक्षेभ्यः अपि स्वेच्छानुसारं जीवितुं स्वातन्त्यमस्ति इति सः अवदत् । ओल् पाकिस्थान् हिन्दू रैट् मूव्मेन्ट् समितेः अध्यक्षेण हरूण् शराब् दियाल् महोदयेन आयोजितः अयं समारोहः I सौहार्दपूर्ण-सहकारिताया: साक्ष्यत्वेन आसन्न मासे प्रवाचकस्य मुहम्मद् नबि महोदयस्य जन्मदिनं हैन्दवजनाः अपि आघुष्यन्ते इति च तेन महात्मना सूचितः ।
केरले तद्देशनिर्वाचनवेलायां प्रयुक्तानां
वैद्युतमतदानयन्त्राणां प्रत्यूहमवलम्ब्य पृथगन्वेषणमारभ्यते।
तिरुवनन्तपुरम् - मलप्पुरे तद्देशनिर्वाचनवेलायां जातं वैद्युतयन्त्राणां दोषम् अधिकृत्य सि डाक् ( सेन्टर् फॉर् डेवलप्मेण्ड् ऑफ अड्वान्स् कम्प्यूटिङ् ) अन्वेषणं करिष्यति । सिडाक् निदेशकः रजत् मुन्ना , साङ्केतिकविदग्ध : श्रीवत्स: , सि डाक् मुख्यनिदेशक: बि रमणिः , इत्येते एव अन्वेषणसङ्घे सन्ति I मासाभ्यन्तरे वृत्तम् देयमित्येव निर्वाचनायोगस्य आदेश: ।इलक्ट्रोणिक् काँर्परेषन् ऑफ इन्ट्या प्रतिनिधयः अपि अन्वेषणे भागभाजः भविष्यन्ति इयं संस्था निर्वाचनयन्त्राणां निर्माता भवति । जनपदशासनात् औद्योगिके वृत्ते प्राप्ते अन्वेषणम् आरप्स्यते । यन्त्रणां साङ्केतिकः दोष: भवितुं सम्भावना नास्ति । अन्या का समस्या इति द्रष्टव्या इति कॉर्परेषन् जनैः स्वीये पत्रे सूचितम् । यन्त्रदोषेण मलप्पुरे १०५ केन्द्रेषु तथा तृश्शूरे ९ केन्द्रेषु च पुनर्निर्वाचनं जातम् आसीत् ।
शबरिगिरिविशेषाः।
सन्निधाने पम्पायां च महत्य: वर्षाः।नदीतीरे यानोद्याने उपस्थितानि अय्यप्पानां वाहनानि जलोपप्लवे निमग्नानि।
सन्निधाने पम्पायां च महत्य: वर्षाः।नदीतीरे यानोद्याने उपस्थितानि अय्यप्पानां वाहनानि जलोपप्लवे निमग्नानि।
Wednesday, November 18, 2015
पाकिस्ताने ७३ संवत्सरेभ्यः परं सिख् आराधनालयः उद्घाटितः।
पेषवार् - उत्तरपाकिस्ताने पेषवार् प्रविश्यायां ७३ वर्षेभ्यः पूर्वं बन्धितः सिख् धर्मीनुयायिनाम् आराधनालयः (गुरुद्वारा) विश्वासिनां कृते पुनरपि उद्घाटितः।प्रदेशवासिनः प्रादेशिकशासनञ्च धर्माधिकारिभिः सह कृतं सन्ध्यनुसारं गतदिने एव उद्घाटनम्। अत्र अनुष्ठीयमानं पर्दासम्प्रदायं (स्त्रीणाम् एकान्तवासः) प्रति प्रदेशवासिनां विरोधः १९४२ तमे वर्षे देवालयबन्धनस्य कारणमभवत्।
शबरिगिरिविशेषाः।
भक्तान् स्वीकर्तुं विपुलानि सज्जीकरणानि पम्पायां सन्निधाने च अधिकृतैः स्वीकृतानि।३६ लक्षं त्रपूंषि(Tin) 'अरवणा' (गुडपायसं) २.५लक्षं बन्धकाः(Packet) अपूपाः च पूर्वमेव संभृताः। शुचीकरणप्रवर्तनाय अमृतानन्दमयीमठात् अय्यप्पसेवासंघाच्च सन्नद्धसेवार्थिनः समागता: वर्तन्ते। निलय्कल् पन्पा सन्निधानम् इत्येतेषु स्थानेषु अहोरात्रम् अन्नदानस्य व्यवस्थापि तिरुवितांकूर देवस्वं नाम निर्वााहकसंस्थया कृता अस्ति।
Tuesday, November 17, 2015
शरणघोषैः मोक्षपथः जागरित:
दक्षिणभारते व्रतशुद्धेः दिनानि।
दक्षिणभारते व्रतशुद्धेः दिनानि।
शबरिगिरिः
-व्रतशुद्धेः मण्डलकालः अद्य आरभते। दक्षिणभारतस्य
केन्द्रसाहित्यअक्कादमीपुरस्कारः
जनार्दन हेगडेवर्याय
जनार्दन हेगडेवर्याय
बङ्गलूरु -केन्द्र साहित्यकेन्द्रसाहित्यअक्कादमी द्वारा बालकथासप्ततिः इति पुस्तकनिमित्तं २०१५ तम वर्षस्य बालसाहित्यपुरस्कारः जनार्दन हेगडेवर्याय प्रदत्तः । कर्णाटकस्वदेशी एषः संस्कृतभारत्या : आरम्भकर्तृषु अन्यतमः । स्वीयया सरलया सरसया संशुद्धया च शैल्या जनान् परितोषयितुं समर्थ: हेगडे वर्य: विश्वे अत्यधिकप्रचारयुक्तायाः संस्कृतमासिकायाः सम्भाषणसन्देशस्य मुख्यसम्पादक: भवति । संस्कृत पठन-पाठन-प्रचरणेषु दत्तश्रद्ध: अयं पञ्चाशदधिकानां शैक्षणिक - मनोरञ्जक पुस्तकानां कर्ता च भवति । बालकथासप्ततिः संस्कृतभारती बेङ्गलूरु द्वारा प्रकाशितम् । सप्ततीनां मनोरञ्जकबालकथानां गुच्छोऽयं संस्कृतभारत्याः प्रादेशिककेन्द्रेषु तथा प्रमुखसंस्कृतपुस्तकशालासु च समुपलभ्यन्ते । जनार्दन हेगडेवर्याय संस्कृतलोकस्य अभिवन्दनानि ।
ऐ एस् ऐ संबन्धः - कोल्कत्तायाम् एकः अपि गृहीतः।
कोल्कत्ता - पाकिस्तान् राष्ट्रस्य गुप्तचरसंघटना ऐ एस् ऐ इति संस्थया सह सम्बन्धमारोप्य एकः अपि आरक्षकैः बद्धः।दिनद्वयात् पूर्वं एतादृशविषये बद्धस्य अक्तर् खान् इत्यस्य सोदरः सफर् नामकः Special Task Force संघेन गृहीतः।बह्व्यः गुप्तरेखाः अलीकानि भारतीयरुप्यकाणि च एतयोः सका शात् संगृहीतानि इति आरक्षकैः उक्तम्।
Subscribe to:
Posts (Atom)