नेपाले आकस्मिकप्रलयः।
४०० भारतीयाः अदृष्टाः। ४६ मरणानि।
ग्रामाः स्राविताः। 
नेपाले दुरापन्नस्य आकस्मिकप्रलयस्य दृश्यम्।
काठ्मण्डुः> नेपालराष्ट्रे टिबट् सीमाप्रदेशस्य समीपं रसुवा नामके जनपदे भोट्टे कोशी नद्यां दुरापन्ने आकस्मिकप्रलये महान् दुरन्तः। ४५ जनाः मत्युवशं गताः इति प्राथमिकगणना। विनोद-तीर्थाटनायात्रायै प्राप्ताः ४०० भारतीयान् अभिव्याप्य बहवः अदृष्टाः जाताः।
नैके ग्रामाः राक्षसीये जलप्रवाहे स्राविताः। १२ जलविद्युताभियोजनाः क्षीयन्ते स्म। बहूनि वासगृहाणि, भवनानि, वाहनानि, सेतवश्च नाशमुपगतानि।
काठ्मण्डु नगरात् १२५ कि मी दूरे अस्ति भोट्टे कोशी नदी। बुधवासरे प्रभाते सार्धनववादने आसीत् प्रलयेन जलोपप्लवः दुरापन्नः।