तीव्रमतदानावलिपरिष्करणम्
बिहारे ४७ लक्षं मतदानिनः आकुञ्चिताः।
नवदिल्ली> बिहारराज्ये मतदानिनाम् आवल्यां तीव्रपरिष्करणे [SIR] पूर्तीकृते अन्तिमावल्यां ७. ४२ कोटि संख्याकाः मतदानिनः अन्तर्भवन्ति। तीव्रपरिष्करणात् पूर्वं विद्यमानात् ४७ लक्षं मतदानिनां न्यूनता वर्तते।
ओगस्ट् प्रथमदिनाङ्के प्रसिद्धीकृतायां संक्षिप्तमतदान्यावल्यां ७. २४ कोटि मतदानिनः आसन्। जूणमासे वर्तितायाः आवल्याः ६५ लक्षं मतदानिनः निष्कासिताः इति आक्षेपः जातः।