केरलम्।
कोच्चीनगरे पैतृकभवने अग्निबाधा।
२१८ वयःप्रमाणोपेतं भवनमिदानीं पथिकावासः। 
अग्निबाधितं कोडरहौस् भवनम्।
कोच्ची> फोर्ट् कोच्चीनगरस्थे 'कोडर् हौस्' नामके पथिकावासे [Hotel] गतदिने सायं सप्तवादने अग्निबाधा अभवत्। जीवहानिः न वृत्तान्तीकृतः। १८०८ तमे वर्षे भारत-पोर्चुगीसवास्तुविद्याम् आधारीकृत्य निर्मितं स्तरत्रयोपेतं भवनमेतत्।
कोच्चीराज्ये २१८ वर्षेभ्यः पूर्वं जूतधर्मीयेषु अग्रिमः, विद्युतोपकरणानां विक्रेता सामुवल् एस् कोडर् इत्यनेन निर्मितं वासमन्दिरम् अद्यत्वे पैतृकस्मारकरूपेण संरक्ष्यमाणं कोडर हौस् इत्यभिधेयः पथिकावासः अस्ति।
अग्निबाधायाः कारणं न निर्णीतम्। होरात्रयेणैव अग्निः नियन्त्रणविधेयो जातः। नाविकसेना, तीरसंरक्षणसेना, अग्निशमनसेना इत्येतयोः युगपत्प्रयत्नेन अग्नि निर्व्यापितः अभवत्।