ओडीषायाम् अतिवृष्टिः।
८००० जनाः सुरक्षितस्थानं नीताः।
भुवनेश्वरं> आन्ध्रप्रदेशे भूतलस्पर्शितस्य तीव्रन्यूनमर्दस्य प्रभावेण ओडीषायाम् अतिवृष्टिः अनुवर्तते। निम्नप्रदेशान् मृद्स्खलनभीषाप्रदेशान् चाधिवसन्तः उपाष्टसहस्रं जनाः सुरक्षितस्थानं नीताः।
राज्यस्य दक्षिणजनपदेषु जलोपप्लवस्य मृत्स्खलनस्य च संभावना अस्तीत्यतः तद्प्रदेशीयशासनैः आपत्कालीनप्रक्रमाः आरब्धाः। गञ्चाम्, गजपति, मल्कनगिरिः, कोरापुट, रायगड, नबरंगपुरम् इत्येताः जनपदाः एव वृष्टिदुष्प्रभाविताः जाताः।