दक्षिणपूर्वेष्याराष्ट्रेेषु कोविड्रोगः व्याप्यते।
भारते कोविड्बाधिताः सहस्रमतीताः।
नवदिल्ली> एष्याभूखण्डस्य दक्षिणपूर्वीयराष्ट्रेषु कोविड् वैराणुः व्याप्यते इति केन्द्रस्वास्थ्य-कल्याणमन्त्रालयेन निगदितम्। भारते कोविड्बाधितानां संख्या नवाधिकसहस्रमभवत्।
राष्ट्रे अधिकतमं कोविड्बाधिताः केरले वर्तन्ते - त्रिंशदधिकचतुश्शतम्। महाराष्ट्रं - २०९, दिल्ली - १०४, गुजरात् - ६९, कर्णाटकं -४७ इत्येवं इतरेषु राज्येषु कोविड्बाधिताः। राजस्थानं, यू पि, वंगराज्येष्वपि कोविड्बाधा दृश्यते। किन्तु राष्ट्रे अष्टादशवयस्कातीताः सर्वे प्रतिरोधवाक्सिनं स्वीकृतवन्तः इत्यतः आशङ्कायाः स्थानं नास्तीति स्वास्थ्यमन्त्रालयेन सूच्यते।